Bãng Biiblã ne Biiblã yetame sɛbã wõnda taaba. B yiibã naaga sɛb nins d sẽn tar zãmsd nebã. B sẽn gomd bũmb nins yellã yaa a ye, goamã sẽn pʋgd taab to-to wã me yaa a ye. La Bãng Biiblã sebrã gom-biisã võor yaa nana. B yiis-a-la neb nins sẽn pa wʋmd Biiblã yetame sebrã goam võor nana-nana wã yĩnga. Bãng Biiblã sebrã baasgẽ, vẽnegr n be be, la pa wa Biiblã yetame sebrã baasgẽ vẽnegrã ye. B bilgda zãmsgã goam kẽer võore. Sebrã pa tar sogsg sak fãa sɩngrẽ, bɩ zĩ-gũbr baasgẽ wã ye. La b kʋmsa zãmsg fãa sẽn gomd bũmb ning yellã. Sẽn yaa wakat ning fãa, y tõe n kãaba ned Bãng Biiblã sebrã, baa sã n pa rẽ la d tog n kãab ki-kãnga. D sã n wa zãmsd ned Biiblã, wãn to la d tõe n tʋm ne Bãng Biiblã sebrã?

KƲMSGO: Neb wʋsg yetame tɩ Biiblã yetame sebrã zãmsg sasa, d sẽn tũnugd ne sulã karengo, tɩ rẽ poor tɩ d sok sokrã yaa sõma wʋsgo. La sã n mik t’a soabã pa wʋmd buud-gomdã sõma, bɩ a pa mi kareng sõma, d maanda wãna? Sã n wa yaa woto, d tõe n talla Bãng Biiblã sebrã n zãms-a. Rẽ, d tõe n tika zĩig ning b sẽn kʋms zãmsgã n sõs ne a soabã, la d yeel-a t’a tõe n yõd n karma sakã a toore. Y tõe n dɩka minit 15 n sõs kʋmsgã tikr fãa zugu, tɩ yaa Biibl zãmsgo. La sẽn mik tɩ yel-bõones la b pa naag n kʋmsã, karen-saambã tog n segla a meng sõma, la a tags karen-biigã yell neere. Sã n yaa sakã fãa la y zãms-yã, y tõe n tũnuga ne kʋmsgã n ges a sã n tõog n gãda bũmbu.

VẼNEGRE: Bãng Biiblã sebrã baasgẽ, goam nins võor b sẽn bilgã bee sagsã pʋgẽ. Yaa karen-saambã n yãkd a sã n na n sõssa rẽ zug ne karen-biigã.