D WILG TƖ D YAA KIRIS-NEB HAKƖƖKA
“A sɩdã sã n yi tẽngã rignoorẽ, . . . a tara waoogre”
Pag sã n yaa pʋg-sõngo, zẽkda a sɩdã zugu. Rĩm a Lemuwɛll wakatẽ wã, rao sẽn da tar pʋg-sõng sã n “yi tẽngã rignoorẽ, . . . a tara waoogre.” (Yel. 31:23) Rũndã-rũndã, rap sẽn tar yʋ-noog la b yãk tɩ b yaa kãsem-dãmb la kãsemb-sõngdba. Sã n mik tɩ b kẽe kãadem, b pagbã sẽn tar manesem sõng la b teend-bã kɩtdame tɩ b tʋmd b tʋʋmã sõma. (1 Tɩm. 3:4, 11) Pʋg-kãensã sɩdbã ne tigingã neb nand-b-la wʋsgo.
Pʋg-sõng sõngda a sɩdã a tʋʋmdã pʋgẽ, . . .
-
n gomd gom-nood n kengd a raoodo.—Yel. 31:26.
-
n sakdẽ t’a sõngd tigingã neb a taabã.—1 Tes. 2:7, 8.
-
n pa vɩ tɩ yɩɩd a pãng ye.—1 Tɩm. 6:8.
-
n pa sokd-a n na n bãng tigingã yɛl nins a sẽn pa tog n bãngã ye.—1 Tɩm. 2:11, 12; 1 Pɩy. 4:15.