Y tõe n kẽe JW Library wã pʋgẽ n karem Biiblã ne daar vɛrse wã.

Y tõe n karma aniyɛɛrã, periodik-rãmbã la sɛb a taaba. Y tõeeme n dẽeg bũmbu.

Y tõe n segla tigissã sõssã, la y rẽeg leoorã.

Y tõe n gesa video-rãmba.

Tigissã sasa, y tõe n geta beenẽ n tũud vɛrse-rãmbã karengo. Zĩig n be tɩ y tõe n yã vɛrse nins y sẽn da zoe n karmã.

Pa tɩlɛ tɩ y zã sɛbã n wa tigissã ye. Y sã n tara JW Library wã y portaablẽ wã bɩ y tablɛtẽ wã, y tõe n kẽe be n paam sɛb nins d sẽn na n zãmsã, la y paam yɩɩlã goamã. Y leb n tõe n paama yɩɩn-paalã sẽn nan pa be d yɩɩlã sebr pʋgẽ wã.

Y tõe n kẽe JW Library wã pʋgẽ n wilg ned bũmbu, la y sõng-a t’a telesarz JW Library wã ne sɛb a taaba.

Zĩig n be y sẽn tõe n kẽ n yã vɛrse-rãmbã nana-nana. Y tõeeme me n gʋls gomd bɩ gom-bil sẽn be vɛrse ning y sẽn baoodã pʋgẽ, n yã vɛrse wã faag-faaga.

Wilg-y y kɛlgdã video. A sã n tara kamba, y tõe n ninga Lebg a Zeova zoa wã video a ye t’a gese. Y tõeeme me n wilg-a Bõe yĩng tɩ y tog n zãms Biiblã? video wã sẽn na yɩl t’a tʋll n zãms Biiblã. A sã n gomda buud-gom-zẽnga, bɩ y wilg-a video a buud-gomdã pʋgẽ.

Telesarz-y Biibl b sẽn lebg ne buud-gomd a to, tɩ y sã n seg ned sẽn gomd buud-gom-kãng bɩ y karem t’a kelge. Gʋls-y vɛrse wã, tɩ Biibl nins yãmb sẽn telesarzã na n pukame tɩ y yãk y sẽn dat a soabã.