D SẼN BÃNG BIIBLÃ KARENG PƲGẼ | ZOOB 1-5
A Zoob tũu Wẽnnaam ne a sũur fãa toog pʋgẽ
A Zoob yaa Uz soolmã neda. A wakatẽ wã tɩ Israyɛll nebã ra bee yembd Ezɩpte. A pa Israyɛll buudã neda, la a tũ a Zeova ne a sũur fãa. A yɩɩ zak-kãseng soaba, ned nug sẽn zãade, t’a yʋʋrã me yi. A ra sagenda nebã sõma, n leb n da kaood bʋʋd tɩrga. A Zoob ra sõngda naong rãmba. Hakɩɩka, a ra tũuda Wẽnnaam ne pʋ-peelem.
A Zoob wilga vẽeneg tɩ yaa a Zeova la a nong n yɩɩda
-
A Sʋɩtãan sak n deegame t’a Zoob ra yaa wẽnd-tũuda. A pa kɩɩs t’a Zoob sakda a Zeova ye. A yeelame bal t’a Zoob pa tũud Wẽnnaam ne yam-sõng ye.
-
A Sʋɩtãan yeelame t’a Zoob tũuda a Zeova a meng nafr yĩnga.
-
Sẽn na yɩl n bãng a Sʋɩtãan sã n tara bʋʋm, a Zeova kõ-a-la sor t’a nams a Zoobe. A Sʋɩtãan kɩtame t’a Zoob paam zu-loees toor-toore.
-
A Zoob kell n tũu Wẽnnaam ne a sũur fãa. La a Sʋɩtãan yeelame tɩ ninsaalbã fãa pa tũud Wẽnnaam ne yam-sõng ye.
-
A Zoob pa maan yel-wẽnde, bɩ n ning Wẽnnaam taal ye.
