D WILG TƖ D YAA KIRIS-NEB HAKƖƖKA
D reeg sãambã neere
Tʋʋlg kiuug rasem 23 wã daare, tõe tɩ sãamb na maan milyõ 12 bɩ sẽn yɩɩd rẽ, n na n wa naag tõnd n tẽeg a Zeezi kũumã. B na n paam n kelga sõsg sẽn na n sõng-b tɩ b bãng a Zeova sẽn sak t’a Bi-riblã ki tɩ yɩ maoongã võore, la bark kẽer ninsaalbã sẽn na n paam beoog-daare. (Eza. 11:6-9; 35:5, 6; 65:21-23; Zã 3:16) La pa sõsdã bal n na n paam n kõ kaset tẽegrã daar ye. Tõnd fãa sã n deeg sãambã sõma, d na n paam n kõo kaseto. (Rom. 15:7) Ad bũmb a wãn d sẽn tõe n maane.
-
Y sã n ta tẽegrã zĩigẽ, wall tɩ y bao zĩig n zĩnd n gũudẽ tɩ sõsgã sɩngã, pʋʋs-y sãambã ne d tẽed-n-taas nins sẽn pa le wat tigissã noog-noogo, la y sõs ne-ba.
-
Yãmb sã n boola ned t’a wa tẽegrã, bɩ y ges-a yell neere, la y ra yĩm sãamb a taabã sẽn paam tẽegrã booll seb-vãoogã n wa wã me yell ye. Bool-y sãambã tɩ b wa zĩnd ne yãmba, tɩ y naag taab n tũ vɛrse-rãmbã kareng y Biiblã pʋgẽ, la y naag taab n yɩɩle.
-
Sõsgã poore, bɩ y yeel-a t’a sã n pa wʋm bũmb võore, y tõe n vẽneg-a lame. Sã n mik tɩ yãmb tigingã neb segd n yiime tɩ neb a taab kẽ, bɩ y bao n tɩ kaag-a. Y sã n pa tar a adɛrse, bɩ y yeel-a woto: “M dat n bãnga yãmb tagsg sõsgã zugu. Yɛ la d tõe n yã taaba?”