Yʋʋm kobs sẽn deng Mesi wã rogem, a Ezayi yeelame tɩ Mesi wã na n moona koɛɛgã ‘zĩig sẽn boond tɩ Zʋrdẽ kʋɩlga, sẽn yaa Galɩle bu-zẽmsa tẽnga.’ Gom-kãngã pidsa a Zeezi zugu, bala a saaga Galɩle soolmã n moon koe-noogã la a zãms nebã.—Eza. 8:23–9:1, Wẽnnaam Sebre, 1983.

• A maana a pipi yel-solemde.—Zã 2:1-11 (Kana)

• A yãka a tʋm-tʋmdbã.—Mark 3:13, 14. (zĩig sẽn pẽ Kapɛrnawom)

• A zãmsa nebã tãng zugu.—Mat. 5:1–7:27. (zĩig sẽn pẽ Kapɛrnawom)

• A vʋʋga pʋg-kõor bi-ribl-yende.—Luk 7:11-17. (Nayin)

• Wẽnnaam sẽn vʋʋg-a wã poore, a vẽnega a meng tɩ sẽn ta karen-biis 500 yã-a.—1 Kor. 15:6. (Galɩle)