D WILG TƖ D YAA KIRIS-NEB HAKƖƖKA
A Zeova sẽn zãmsd tõndã kɩtame tɩ bu-welsg ka be d sʋk ye
A Zeova pa bakd neb ye. (Tʋʋ. 10:34, 35) A nonga neb sẽn yit “soolem dãmbã fãa pʋse, buud toay-toayã fãa pʋse, tẽms toay-toayã fãa pʋse, la sẽn gomd goam buud toay-toayã.” (Vẽn. 7:9) Dẽnd kiris-nebã sʋka, kisgr la bu-welsg pa segd n zĩnd ye. (Zak 2:1-4) Zãmsg ning d sẽn paamd Biiblã pʋgẽ wã kɩtame tɩ d modgd n toeemd d zʋgã, tɩ yaa wa d bee arzãn pʋgẽ. (Eza. 11:6-9) D maanda d sẽn tõe fãa, n pa kis bu-zẽng neda, tɩ wilgdẽ tɩ d rɩkda Wẽnnaam togs-n-taare.—Efɛ. 5:1, 2.
GES-Y VIDEO NING SẼN YET TƖ A JOHNY NE A GIDEON RA KISA TAABA, LA B LEBGA SAAM-BIISI. RẼ POOR BƖ Y LEOK SOGS-KÃENSÃ:
-
Bõe n wilg tɩ zãmsg ning d sẽn paamd Biiblã pʋgẽ wã pãng yɩɩda modgr nins fãa ninsaalbã sẽn maand n na n kɩt tɩ kisgrã la bu-welsgã sa?
-
Y sã n tags d sẽn yaa saam-biis dũniyã gill zug tɩ zems-n-taar be d sʋkã, bõe n noom yãmba?
-
D sã n modg tɩ laafɩ la zems-n-taar kell n zĩnd d sʋka, wãn to la rẽ waoogd a Zeova yʋʋrã?
