SAGLGÃ YÕODO: Nebã tog n bãnga a Zeova noyã, n sak n tũ, sẽn na yɩl n ta a yam. (Eza. 2:3, 4) “Wẽnnaam nonglmã” sebrã la sebr a yiib-n-soab d sẽn segd n tall n zãms ned Biiblã. A sõngda karen-biigã t’a bãng n tũ Wẽnnaam noyã daar fãa. (Ebre. 5:14) D segd n modgame tɩ Biiblã goam kẽ a sũurã, tɩ rẽ kɩt t’a rat n toeeme.—Rom. 6:17.

AD D SẼN TÕE N MAAN DẼ TO-TO:

• D segl d mens sõma, la d tags karen-biigã yelle. D bao sogsg d sẽn na n sok-a t’a togs tõnd a sẽn tagsde, bũmb ning a sẽn zãmsdã zugu.—Yel. 20:5; be 259.

• D tall sebrã zĩ-gũbã n sõng karen-biigã t’a bãng tɩ Biiblã saglsã tũub tara nafa.

• Sã n yaa sũur-kaset yelle, d sõng-a t’a tags n bãng a sẽn tog n maane. D pa tog n wilg-a a sẽn segd n maan ye.—Gal. 6:5.

• Ne yam, d bao n bãng karen-biigã sã n data sõngr n tõog n tũ Biiblã saglg ninga. D gom ne bʋgsem n keng a raood t’a sak n toeeme, a sẽn nong a Zeova wã yĩnga.—Yel. 27:11; Zã 14:31.