“Wakat n wate:”

Tõnd vɩɩ wakat kãnga.

‘Tãng ning a Zeova roogã sẽn tilg a zugã:’

A Zeova kɩtame tɩ tũudum hakɩɩkã paamd pãnga.

“Buud toay-toay fãa na n zoe n waa beenẽ.”

Neb nins sẽn be tũudum hakɩɩkã pʋgẽ wã zemsda taaba.

‘Wa-y tɩ d rʋ a Zeova tãngã zugu:’

Wẽn-sakdb hakɩɩkã boonda neb a taab tɩ b wa naag bãmba.

“Bãmb na n wilga tõnd b soayã, la tõnd na n tũu bãmb so-bugsã:”

Ne Biiblã maasem, a Zeova zãmsda tõnd a noyã, la a wilgd tõnd sore.

“B kõn leb n zãms zabr sẽn zabd to-to ye:”

A Ezayi yeelame tɩ b na n kɩtame tɩ zab-teedã lebg tʋʋm-teedo, tɩ wilgdẽ t’a Zeova nin-buiidã na n baoo laafɩ. Bõe ne bõe yell la a Ezayi gom-yã?

“Neba na n dɩka b sʋʋsã n kud wãgse:”

1 Wãk ning yell a Ezayi sẽn gomdã yaa niisã bɩ bõensã wãka. B ra maanda kẽer ne kutu.—1 Sãm. 13:20.

B na n ‘dɩka b kãnã n kud goeto:’

2 Goeeg yaa kut sẽn yaa gõdgo, tɩ b tar n wʋrd moodo. A Ezayi wakatẽ wã, b ra tar n yosda reezẽ tɩɩs wila.—Eza. 18:5.