D WILG TƖ D YAA KIRIS-NEB HAKƖƖKA
Sõng-y y kambã, tɩ b tẽ Naandã ne b sũyã fãa
Bũmb nins fãa a Zeova sẽn naanã wilgda a ziirã. (Yɩɩn. 19:2-5; 139:14) La sẽn sɩng to-to tɩ ninsaalbã la bõn-vɩɩlɩ wa beẽ wã wɛɛngẽ, a Sʋɩtãan kɩtame tɩ nebã tẽed ziri. (Rom. 1:18-25) Bõe la y tõe n maan tɩ y kambã ra wa tẽ ziri-kãensã? Sõng-y y kambã b sẽn ket n paood wakate, tɩ b bãng a Zeova, n tẽ t’a sɩd beeme, la t’a geta b ned kam fãa yelle. (2 Kor. 10:4, 5; Efɛ. 6:16) Bao-y n bãng-y b tagsg sẽn yaa a soaba, bũmb nins b sẽn zãmsd lekollẽ wã wɛɛngẽ. Tũnug-y ne siglgã sẽn yiisd bũmb ninsã fãa n sõng-b tɩ Biiblã sẽn yetã kẽ-b sũyã sõma.—Yel. 20:5; Zak 1:19.
NING KOM-BƖƖSÃ SẼN TAGSDE—TẼ TƖ WẼNNAAM BEEME VIDEO WÃ, TƖ RẼ POOR BƖ Y LEOK SOGS-KÃENSÃ:
Bõe la neb wʋsg yet Wẽnnaam belmã wɛɛngẽ?
Bõe la b zãmsd yãmb lekollẽ wã?
Bõe n kɩt tɩ y kɩs sɩd t’a Zeova sɩd beeme?
Bõe la y tõe n maan n sõng ned t’a sak n deeg tɩ Wẽnnaam n naan bũmb fãa?
Découvrez aussi…
SOGSG KOM-BƖƖSÃ SẼN SOKDE
Bũmb fãa waa woto bal bɩ, bɩ Wẽnnaam n naane?—Pipi babga: Bõe yĩng tɩ d segd n tẽ tɩ Wẽnnaam beeme?
Fo rat n maneg n kɩsa sɩd ne rẽ, la f tõog n gom rẽ yell ne neb a taab bɩ? Ges f sẽn tõe n maan to-to n leok ned sẽn sokd-f sogsg bũmb nins f sẽn tẽedã wɛɛngẽ.
