D SẼN BÃNG BIIBLÃ KARENG PƲGẼ | EZAYI 58–62
“D moon Wẽnnaam nonglem yʋʋmdã”
A Zeova ‘nonglem yʋʋmdã’ pa yʋʋmd sɩd-sɩd ye
-
Yaa wakat a Zeova sẽn yãke, tɩ sik-m-mens rãmbã tõe n paam n wʋm koe-noogã n lebg a Kaset rãmba.
-
Pipi kiris-nebã wakatẽ, nonglem yʋʋmdã sɩnga yʋʋmd 29, a Zeezi sẽn wa n sɩng koɛɛgã moonegã. La tall n tãaga ‘Wẽnnaam sũ-dokrã daar’ sẽn yɩ yʋʋmd 70 soabã, a sẽn wa n bas tɩ b sãam Zeruzalɛmmã.
-
Tõnd wakatã, nonglem yʋʋmdã sɩnga a Zeezi sẽn deeg naam yʋʋmd 1914, la na n baasa to-kãsengã sɩngrẽ.
A Zeova kɩtame tɩ “tɩrlem terebẽnt tɩɩs” sõngd a nin-buiidã
-
Tɩɩs n be n yaa bɛd-bɛda, la b yaa wogdo, n mi n su taab n be zĩig a yembr we-raoogã pʋga.
-
B yẽga tõe n kẽe taaba, n kɩ sõma n tar pãnga, tɩ baa seb-kẽeng sasa b pa lʋɩt ye.
-
Tɩ-kãens sẽn yaa wogd la bɛdã yĩnga, b maasmã lillda tɩ-bõonesã. B vãadã me sẽn sʋʋgdã lebgda põosg n paasd tẽngã noosem.
Yaa kiris-neb nins sẽn paam vʋʋsem sõng zaeebã n makd “tɩrlem terebẽnt tɩɩsã.” Nin-kãensã sõngda kiris-neb hakɩɩkã dũniyã gill zugu.
