Biiblã pʋgẽ, b reng n togsame t’a Sʋɩtãan na n namsa tõndo, sẽn na yɩl tɩ d ra le moon koɛɛgã ye. (Zã 15:20; Vẽn. 12:17) Tẽns kẽer pʋsẽ, b namsda d tẽed-n-taasã b tẽebã yĩnga. Bõe la d tõe n maan n sõng-ba? D tõe n pʋʋsa b yĩnga. Biiblã yetame: “Nin-tɩrg pʋʋsgo, a sẽn pʋʋs ne a sũur fãa tara tõogr wʋsgo.”—Zak 5:16.

D sã n wa pʋʋsd b yĩnga, bõe la d tõe n kos a Zeova? D tõe n kos-a lame t’a sõng-b tɩ b tall raoodo, n da zoe rabeem ye. (Eza. 41:10-13) D leb n tõe n pʋʋsa b tẽngã pãn-soaadb yĩnga, sẽn na yɩl tɩ b bas d saam-biisã tɩ b “tõe n vɩ ne laafɩ la bãane,” n tõog n moon koɛɛgã.—1 Tɩm. 2:1, 2.

B sẽn wa n namsd a Poll ne a Pɩyɛɛrã, pipi kiris-nebã pʋʋsa b yĩnga, n da pʋt b yʋyã b pʋʋsgã pʋgẽ. (Tʋʋ. 12:5; Rom. 15:30, 31) Baa d sã n pa mi saam-biis nins fãa b sẽn namsdã yʋya, d tõe n pʋda b tigingã yʋʋre, b tẽngã, wall babg ning b sẽn beẽ wã yʋʋr d pʋʋsgã pʋgẽ.