9:1-7

A Zeezi tedgrã sasa, a Ba wã koɛɛg yii saasẽ n wilg t’a nong-a lame. Mams-y y yamẽ n ges a Zeezi sũur sẽn yɩ noog to-to, a sẽn wʋm dẽ wã. Sãmbg sẽn ka be, kenga a raood t’a na n wa tõog toog a namsgã sasa. A Zeezi tedgrã kenga a Pɩyɛɛr ne a Zak la a Zã me tẽebã hal wʋsgo. Vẽnegrã sõng-b lame tɩ b kɩs sɩd t’a Zeezi la Mesi wã, la tɩ b segd n kelg-a lame. Yʋʋm pis-tã la a yiib poore, a Pɩyɛɛr da ket n tẽra vẽnegrã, la rẽ sẽn sõng-a t’a maneg n kɩs sɩd ne ‘bãngr-goamã’ to-to.—2 Pɩy. 1:16-19.

Baa tõnd sẽn pa yã vẽnegrã sẽn yɩ bõn-kãsengã, d nee a sẽn pidsdi. A Zeezi lebga rĩm sẽn tar pãnga, n dɩt naam. Ka la bilfu, a na n tõoga a bɛɛbã n baase, n lugl dũni-paalga, tɩrlem sẽn na n zĩnd a pʋgẽ.—Vẽn. 6:2.

Y sẽn ne bãngr-goamã sẽn pidsdã, wãn to la kengd y tẽebã?