A Zeezi sẽn wa n be tẽngã zugã, a wilgame tɩ noor ning sẽn yet tɩ “waoog f ba la f ma wã” pa reem bũmb ye. (Yik. 20:12; Mat. 15:4) A Zeezi sẽn sagl a wakatẽ nebã tɩ b tũ noorã yɩɩ ne pʋ-peelem, bala yẽ mengã bi-bɩɩlmẽ, a ra sakda a roagdbã. (Luk 2:51) Nand tɩ b kʋ-a me, a baoa ned sẽn na n ges a ma wã yelle.—Zã 19:26, 27.

Rũndã-rũndã me, d kom-bɩɩsã sã n sakd-b b roagdbã, la b maagd b yĩng n gomd ne-ba, b waoogd-b lame. Waoog f ba la f ma wã yaa wakat fãa yĩnga. Baa b sã n wa kʋʋle, d segd n ket n kelgd-b lame n dɩkd yam b nengẽ, tɩ wilgdẽ tɩ d waoogd-b lame. (Yel. 23:22) D roagdb sã n kʋʋl tɩ d get b yell sõma me, d wilgdame tɩ d waoogd-b lame. (1 Tɩm. 5:8) D yaa bi-bɩɩg tɩ d yaa kãsma, d sã n yẽsd sõma ne d roagdbã, d waoogd-b lame.

GES M MAANDA WÃN N SÕS NE M ROAGDBÃ SÕMA? VIDEO WÃ, TƖ RẼ POOR BƖ F LEOK SOGS-KÃENSÃ:

• Bõe yĩng tɩ tõe n yɩ toog tɩ y sõs ne y roagdbã?

• Y sã n gomd ne y roagdbã, wãn to la y tõe n wilg tɩ y waoogd-b lame?

• Bõe yĩng tɩ y segd n maan y sẽn tõe fãa n sõsd ne y roagdbã? (Yel. 15:22)