SAGLGÃ YÕODO: Ned tagsg sã n yaa wa ko-zulumsi, sogsgã yaa wa lʋʋg b sẽn tõe n tall n toog ko-kãense. (Yel. 20:5) Sogsgã sõngdame tɩ kɛlgdã kẽes a toog sõsgã pʋgẽ. D sã n bãng n sok sokr tɩ kɛlgdã leoke, na n songame tɩ d bãng bũmb wʋsgo. A Zeezi ra maanda woto. Wãn to la d tõe n dɩk a togs-n-taare?

AD D SẼN TÕE N MAANE:

• Sogsg sẽn kɩtd tɩ d bãng ned tagsgo. A Zeezi soka a karen-biisã sogsg n na n bãng b tagsgo. (Mat. 16:13-16; be 238 s. a 3-5) Sogs-bʋs la d tõe n sok ned n bãng a tagsgo?

• Sogsg sẽn sõngd ned t’a bãng leoore. Sẽn na yɩl n dems a Pɩyɛɛr tagsgo, a Zeezi sok-a-la sogsg n sõng-a t’a bãng leoorã. (Mat. 17:24-26) Sogs-bʋs la d tõe n sok ned tɩ sõng-a t’a bãng leoore?

• Pẽg kɛlgdã. Daar a yembre, gʋlsd n leok a Zeezi sokr ne yam t’a pẽg-a. (Mark 12:34) D sã n sok ned sokr t’a leoke, bõe la d tõe n yeel n pẽg-a?

GES VIDEO WÃ: TƲM TƲƲMD NING A ZEEZI SẼN TƲM×NEBà ZÃMSGO, PIPI BABGÃ. RẼ POOR BƖ F LEOK SOGSGÃ:

• Baa b sẽn zãmsd bũmb ninsã sẽn yaa sɩda, bõe yĩng tɩ zãmsgã sẽn yɩɩ to-to wã pa sõma?

• Bõe yĩng tɩ d pa segd n bilg goamã võor bala?

GES VIDEO WÃ BABG A YI WÃ. RẼ POOR BƖ F LEOK SOGSGÃ:

• Bõe yĩng tɩ d tõe n yeel tɩ saam-biigã bãng n soka sogsgã?

• Bõe me la a maan-yã, tɩ d tõe n dɩk a togs-n-taare?