Bõe yĩng t’a Lot pagã wẽnemd n ges a poorẽ, a sẽn wa n zoet n yit Sodommã? Biiblã pa leokd sok-kãngã ye. (Sɩng. 19:17, 26) A Zeezi sẽn yeel bũmb ning n yaool n kõ saglgã wilgdame tɩ tõe tɩ yaa a teedã sẽn pa be wã yĩnga. (Luk 17:31, 32) Bõe n tõe n sõng-d tɩ d ra bõn Wẽnnaam lohorem wa a Lot pagã? D pa segd n lʋɩɩs naar vɩɩm wall arzɛgsã baoob taoor ye. (Mat. 6:33) A Zeezi yeelame tɩ d pa tõe n sak Wẽnnaam la d sak arzɛgs me ye.’ (Mat. 6:24) La d sã n wa mik tɩ arzɛgsã baoob kɩtame tɩ d pa le tũud a Zeova ne d sũur fãa, d segd n maana bõe? D segd n pʋʋsa a Zeova n kos t’a sõng-d tɩ d bãng bũmb ning fãa sẽn dat manegre, la a kõ-d raood tɩ d tõog n manege.

Y SÃ N TẼRA TẼEG-Y-YÃ A LOT PAGÃ YELL FILMÃ, LEOK-Y SOGSGÃ:

• Wãn to la a Rooza tagsgã, a no-goamã la a manesmã wa n wilgdẽ tɩ nebã pẽdgrã kɩtame t’a rat ligd ne a sũur fãa?

• Bõe yĩng t’a Lot pagã kibar yaa keoogr n kõ tõndo?

• Wãn to la Biiblã saglsã tũub sõng a Zowɛll ne a zakã rãmba?

• Wãn to la a Ana tũud-n-taasã koms a tẽebã?

• B sã n pẽdgd-f n dat tɩ f lʋɩɩs ligdã baoob taoore, bõe yĩng tɩ f segd n tall raoodo?

• Bõe n sõng a Alẽ ne a Rooza tɩ b lebs n lʋɩɩs Rĩungã tʋʋm taoore?

• Biiblã sagl-bʋs la video-kãngã tẽegd tõndo?