RẼ YÕODO: B ninga jw.org sẽn yaa tõnd sɩtã bãndã sɛb nins d sẽn tar n zãmsd nebã Biiblã zugu. Sɩd me, b yiisa JW.ORG kartã, ne seb-vãoog ning gom-zugã sẽn yaa Yɛ la d tõe n paam sogsg nins sẽn pak nebã leoorã, n na n sõng nebã tɩ b bãng tõnd sɩtã. Y tõe n kẽe sɩtã pʋgẽ n yãk sebr d sẽn tar n zãmsd nebã Biiblã n tool neda, wall y tool-a liyẽ, sẽn yɩɩd fãa, a sã n gomda buud-gom-zẽnga. Neb kẽer tõe n mi n tara sogsg b sẽn leok tõnd sɛbã pʋsẽ, tɩ leoorã yaool n pa be d sẽn tar b rãmb n zãmsd nebã Biiblã pʋgẽ ye. D sã n tʋmd ne tõnd sɩtã sõma, d koe-moonegã na n woma biisi.

D SẼN TÕE N TƲM NE SƖTÃ TO-TO:

• D kilik “BIIBLÃ SẼN YETE.” Makre, d sã n taas koɛɛgã roagda, t’a rat kibay kambã wubr wɛɛngẽ n paase, bɩ d kẽ BIIBLÃ SẼN YETE > KÃADMÃ, LA ZAGSÃ RÃMBA.

• D kilik “D SẼN YIISI.” Makre, y paama segb lekollẽ wã n taas y karen-bi-taag koɛɛgã, n dat n kõ-a Sogsg 10 Kom-bɩɩsã sẽn sokde La b leoore sebrã. Kẽ-y D SẼN YIISI > SƐB LA BORSIIR-DÃMBA.

• D kilik “KIBAY TÕND ZUGU.” Wala d sã n taas koɛɛgã d tʋmd-n-taaga, t’a tʋll n paam kibay a wãn tõnd sẽn tẽed bũmb ninsã wɛɛngẽ, d tõe n kẽe KIBAY TÕND ZUGU > SOGSG NEBÃ SẼN WAE N SOKDẼ.

GES-Y SÕNG-Y NEBÃ TƖ B TƲM NE JW.ORG VIDEO WÃ, LA Y GES SƖTÃ ZĨIG NING Y SẼN TÕE N KẼ N SÕNG:

• ned sẽn pa tẽed Wẽnde

• ned yel-beed sẽn paame

• kiris-ned sẽn pa le tʋmd tũudmã tʋʋmã

• ned d sẽn lebg n tɩ ges t’a rat n bãng d sẽn maand to-to n paamd ligdã d tʋʋmdã yĩnga

• tẽn-zẽng ned sẽn dat n bãng tigsgã zĩig a ba-yirã