A Poll ne a Sɩlaas sẽn wa n be bãens roogẽ wã, b yɩɩlame n pẽg a Zeova. (Tʋʋ. 16:25) Yaa vẽeneg tɩ b sẽn yɩɩlã, sõng-b lame tɩ b tõog toogo. La yaa wãn to yẽ ne tõnd rũndã-rũndã? Yɩɩl nins d sẽn yɩɩnd tigissã sasa wã la d yɩɩl a taabã tõe n kenga d raoodo, la sõng-d tɩ d kell n maan sɩd ne a Zeova toog sasa. La sẽn yɩɩd fãa, d yɩɩlã pẽgda a Zeova. (Yɩɩn. 28:7) B sagla tõnd tɩ d mao n bãng yɩɩlã ne zugu. Yãmb maka rẽ bɩ? Zak pʋgẽ Biibl zãmsgã sasa, d tõe n zãmsa yɩɩla.

GES-Y VIDEO WÃ: KAMBÃ YƖƖND N PẼGDA A ZEOVA, TƖ RẼ POOR BƖ Y LEOK SOGSGÃ:

• Wãn to la Rĩungã yɩɩl tõe n naf-do?

• Wãn to la sẽn tʋmd-b yɩɩlã rɩkr zĩigẽ wã segend b mens yɩɩlã rɩkr yĩnga?

• Wãn to la kambã ne b zagsã rãmb segend b mens yɩɩlã rɩkr yĩnga?

• Rĩungã yɩɩlã sʋka, bʋs la yãmb nong wʋsgo, la bõe yĩnga?