D WILG TƖ D YAA KIRIS-NEB HAKƖƖKA
D nong n be ne neb nins sẽn nong a Zeova wã
Bõe yĩng tɩ d segd n nong n be ne neb nins sẽn nong a Zeova wã? Bala, tõnd tũud-n-taasã tõe n sõnga tõnd wall b wã tõndo. (Yel. 13:20) Wala makre, rĩm a Zoaas sẽn da wae n be ne maan-kʋʋdb kãsem a Zehozada wã sasa, a “maana sẽn noom Sẽn-Ka-Saabo.” (2 Kib. 24:2) A Zehozada kũumã poore, a Zoaas basa a Zeova, tũud-n-ta-wẽnsã yĩnga.—2 Kib. 24:17-19.
Pipi kiris-nebã wakatẽ, tʋm-tʋmd a Poll maka tigingã ne “ro-kãsenga,” la a mak tigingã neb ne “laas” bɩ roog teedo. Yaa d sã n zãagd d mens ne neb nins fãa sẽn maand sẽn pa noom a Zeova wã, baa sẽn yaa-b tõnd zakã neb wall tigingã nebã, la d na n kell n yɩ “teoog b sẽn tar n maand bũmb sẽn be waoogre.” (2 Tɩm. 2:20, 21) Woto wã, bɩ d mao tɩ d zo-rãmbã yɩ neb sẽn nong a Zeova la sẽn sagend tõnd tɩ d tũ-a.
GES-Y VIDEO WÃ: D BÃNG N ZÃAG D MENS NE TŨUD-N-TA-WẼNSÃ. RẼ POOR BƖ Y LEOK SOGSGÃ:
-
Bõe n tõe n wa kɩt tɩ d tall tũud-n-ta-wẽns n pa miẽ?
-
Video wã pʋgẽ, bõe n sõng kiris-neb a tãabã tɩ b bas tũud-n-ta-wẽnse?
-
Biiblã sagl-bʋs n tõe n sõng-y tɩ y bãng n bao zo-rãmba?
Mam yaa “teoog b sẽn tar n maand bũmb sẽn be waoogr” bɩ?—2 Tɩm. 2:21
