Nand tɩ d maan bũmbu, baa sã n yaa bũmb sẽn paoode, d sokda d meng a Zeova tagsg sẽn na n yɩ a soab bɩ? Yaa sɩd tɩ d pa tol n tõe n bãng a Zeova tagsa wã fãa ye. La a wilga bũmb wʋsg a Gomdã pʋgẽ sẽn sek na sõng-d tɩ d tʋm “tʋʋm-sõma buud fãa.” (2 Tɩm. 3:16, 17; Rom. 11:33, 34) A Zeezi ra mii a Zeova raabã sõma, n lʋɩɩsd rẽ taoore. (Zã 4:34) Bɩ d rɩk a Zeezi naoore, n maoodẽ tɩ d yam-yãkr fãa noogd a Zeova sũuri.—Zã 8:28, 29; Efɛ. 5:15-17.

GES-Y VIDEO WÃ: BAOOD-Y N BÃNGD-Y-YÃ A ZEOVA RAABÃ SẼN YAA A SOABA. (MAAN. 19:18) RẼ POOR BƖ Y LEOK SOGSGÃ:

• Bõe yĩng tɩ d segd n tũud Biiblã saglse?

• Mizik nins d sẽn kelgdã wɛɛngẽ, Biiblã sagl-bʋs la d segd n tũ?

• Futã la mengã manegr wɛɛngẽ, Biiblã sagl-bʋs la d segd n tũ?

• Zĩ-bʋs wɛɛngẽ me la d segd n tũ Biiblã saglse?

• Bõe la d tõe n maan tɩ sõng-d tɩ d bãngd a Zeova raab sẽn yaa a soab faag-faaga?