D SẼN BÃNG BIIBLÃ KARENG PƲGẼ | 1 KORẼNT RÃMBÃ 14-16
Wẽnnaam na n yɩɩ “bũmb fãa nebã fãa yĩnga”
Bõn-sõma n gũud neb nins sẽn na n kell n maan sɩd ne a Zeova wã. Tõnd sã n gomd bõn-kãens yell ne d taabã ne sũ-noog la yẽesem, b manegd n lebga vẽenes tõnd yamẽ wã. Tʋm-tʋmd a Poll sagla a tẽed-n-taasã tɩ b mamsd yɛlã sẽn na n yɩ to-to Kiristã naam sẽn na n kaoos yʋʋm tusrã saabẽ, wakat ning a Zeova sẽn na n yɩ “bũmb fãa nebã fãa yĩngã.”
Bõn-sõma nins sẽn watã sʋka, bʋg n noom yãmb n yɩɩda, la bõe yĩnga?
Bõe n kɩt tɩ y kɩs sɩd tɩ Wẽnnaam pʋlemsã na n pidsame?
