• Ning-y yãmb mengã adɛrse. Y sã n tagsdẽ tɩ y sã n ning yãmb mengã adɛrse pa yam bũmbu, y tõe n ninga Rĩungã roog adɛrse, sã n mik tɩ kãsem-dãmbã kõ-y-la sore. La y pa segd n ning filiyallã adɛrs A BADA.

• Y sã n mi a soabã yʋʋr bɩ y ningi. Rẽ tõe n kɩtame t’a soabã ra wa tẽed tɩ y yaa te-koaas n maand piblisite ye.

• Tũ-y y buudã gomd gʋlsg noyã. Maag-y y yĩng n gʋls tɩ sakd gesgo. Y sã n na n gʋlsa ne nug bɩ y gʋls sõma tɩ karengã yɩ nana. Y segd n goma ne waoogre, la ra maan-y tɩ loog ye.

Lɛtr ning sẽn be rɩtgã yaa sẽn na n wilg d sẽn tõe n gʋls to-to. Pa rat n yeel tɩ y sã n dat n gʋls ned y moonegã zĩigẽ fãa, y segd n gʋlsa woto takɩ ye. Gʋls-y y lɛtrã tɩ zems ne y sẽn dat n gom bũmb ning yellã, yɛlã sẽn yaa to-to yãmb babgẽ wã, la nebã minundã.