D WILG TƖ D YAA KIRIS-NEB HAKƖƖKA
Ket-y n gũud-y ne sũ-mare
Yãmb sɩng n gũuda Wẽnnaam Rĩungã hal sẽn kaoos bɩ? Y maooda ne zu-loeese, n baas n maand sũ-mar n gũudẽ bɩ? (Rom. 8:25) B kisa kiris-neb kẽere, n namsd sãnda, la b kẽesd kẽer bãens-roto. Sãnda segda zu-loees sẽn tõe n tũ ne b yõor menga. Kiris-neb wʋsg me maooda ne zu-loees a taab wala bãag sẽn tõt saabo, la kʋʋlem.
Zu-loɛɛg buud fãa taoore, bõe n na n sõng-d tɩ d kell n gũ ne sũ-mare? D segd n karemda Biiblã la d bʋgsdẽ, tɩ paasd d tẽebã pãng daar fãa. D segd n tagsda bõn-sõma nins sẽn watã yelle. (2 Kor. 4:16-18; Ebre. 12:2) D segd n pʋʋsda a Zeova n kot-a a vʋʋsem sõngã. (Luk 11:10, 13; Ebre. 5:7) Tõnd Ba wã sẽn nong-dã na n sõng-d lame tɩ d “tõog toog bũmb fãa pʋgẽ ne sũ-mar la ne sũ-noogo.”—Kol. 1:11, MN.
GES-Y VIDEO WÃ: D NANG PÃNG NE ZOEESÃ: D KƖS SƖD TƖ D NA N PAAMA KEOORÃ, TƖ RẼ POOR BƖ Y LEOK SOGSGÃ:
-
Bõe n tõe n wa tiig n paam neda? (Koɛ. 9:11)
-
D sã n wa segd zu-loeese, wãn to la pʋʋsgã tõe n sõng-do?
-
Tõnd sã n pa le tõe n tʋm a Zeova tʋʋmã wʋsg wa pĩndã, bõe yĩng tɩ d segd n tagsd bũmb nins d sẽn ket n tõe n maanã yelle?
-
Bõe n sõngd yãmb tɩ y ket n tẽed tɩ y na n paama keoorã?