Yʋʋmd 2018 yʋʋm-vẽkr kiuugã tɛka, tõnd Kiris-nebã vɩɩm la b tʋʋma—tigissã na-kẽndr sebrã pipi nengã zugu, b ningda Sõsg tɩʋʋsgo. Wãn to la d tõe n tũ b sẽn yet be wã?

B sã n wa kõ-y tʋʋmd Moon-y koɛɛgã sõma wã sasa: Y tog n soka sokrã, n karem vɛrse wã, la y sok sokr a to wã sẽn be sõsg tɩʋʋsgã pʋgẽ wã. La rẽ pa rat n yeel tɩ y segd n lebg n dɩka sõsg tɩʋʋsgã video wã gom-biisã kɛpɩ ye. Y tõe n toeema y sɩngr goamã, y sẽn na n sõs ne a soabã to-to, y sẽn be ne y sõsd-n-taagã zĩig ninga, la yɛl a taaba. Y tõeeme me n kõ kɛlgdã sebr sẽn naag tõnd koe-moonegã tʋʋm-teedã pʋgẽ, baa b sã n pa yeel tɩ y maan woto.

Koɛɛgã mooneg pʋgẽ: B segla sõsg tɩʋʋsgã sẽn na yɩl n sõng tõnd tɩ d rɩk yam n paase. Ned sã n kelg neere, n wilg t’a rat n bãng n paasame, y tõe n kell n sõsame, n tũ b sẽn wilg lebg-n-tɩ-gesã pʋgẽ wã. Y tõe n toeema b sẽn wilg sõsg tɩʋʋsgã pʋgẽ wã bilfu, wall y gom bũmb a to yelle. Rẽ yĩnga, sõsg tɩʋʋsg sẽn loog pʋgẽ, sokr n da be be n zems ne tõnd koe-moonegã zĩigẽ nebã yɛlã bɩ? Bɩ vɛrse a to n da be be, t’a kareng na n naf kɛlgdã n yɩɩda? Yãmb sakã neb gomda bũmb sẽn maan tɩ nan pa kaoos yell bɩ? Bɩ b gomda bũmb sẽn nan maan sakã pʋgẽ yelle? Baa ne y sẽn na n tũ b sẽn yet sõsg tɩʋʋsgã pʋgẽ wã to-to fãa, yãmb raabã tog n yɩɩ ‘maand bũmb fãa koe-noogã yĩnga, sẽn na yɩl n taas-a neb a taabã.’—1 Kor. 9:22, 23.