D SẼN BÃNG BIIBLÃ KARENG PƲGẼ | SƖNGRE 29-30
A Zakoob kẽe kãadem
A Zakoob ra pa mi zu-loees nins a kãadmã sẽn na n wa ne wã ye. A Rasɛll ne a Leya wa n maanda sũ-kiir ne taaba. (Sɩng. 29:32; 30:1, 8) La baa ne zu-loeesã, a Zakoob ra neeme t’a Zeova bee ne-a. (Sɩng. 30:29, 30, 43) Yaa yẽ yagensã n wa n lebg Israyɛll buudã neba.—Rut 4:11.
Rũndã-rũndã, neb nins sẽn yãk yam n na n kẽ kãadmã na n paama zu-loeese. (1 Kor. 7:28) La b sã n teeg a Zeova la b tũud Biiblã noyã la a saglsã, b tõe n paama sũ-noog b kãadmã pʋgẽ.—Yel. 3:5, 6; Efɛ. 5:33.
