A YÕODÃ: Zoens wʋsg pa nong n sõsd ne neb b sẽn pa mi ye. Rẽ n so tɩ d segd n tall minim n tõog n moon nin-kãensã koɛɛgã. A Zeova wilgame tɩ zoensã yell pak-a lame. (Maan. 19:14) D tõe n dɩka a togs-n-taare, n bao n sõng zoensã tɩ b bãng-a.

D SẼN TÕE N MAAN DẼ TO-TO:

• D “bao” zoensã. (Mat. 10:11) Yãmb mii ned sẽn tar a roagd sẽn yaa zoang bɩ? Rẽ yĩnga, yãmb koɛɛgã mooneg zĩigẽ, zoens lekoll-dãmba, bɩ zĩis b sẽn get zoensã yell n be, tɩ nebã na n sak tɩ y tɩ kõ-b sɛb zoensã yĩng bɩ?

• D wilg tɩ b yell pak-d lame. Y sã n sõsd noog-noog ne zoanga, la y wilg t’a yell sɩd paka yãmba, na n sõngame t’a yamã gãande. Modg-y n sɩng-y sõsg ne-a, n gom bũmb sẽn pak-a yelle.

• D sõng zoensã tɩ b bãng a Zeova. Sẽn na yɩl n sõng zoensã, siglgã yiisa sɛb buud toor-toore. Sok zoang fãa sebr ning buud a sẽn date. Koe-moonegã yel-gɛtã na n gesame tɩ zoang sã n komand sebr a sẽn date, bɩ saam-biig ning sẽn get sɛbã yellã maan komandã tɩ zemse.