Yʋʋmd fãa, d modgda wʋsg sẽn na yɩl n bool d moonegã zĩigẽ nebã tɩ b wa naag tõnd n maan Kiristã kũumã tẽegre. B wʋsg la tõnd pa mi. La d segdame me n bool d mitinsã. Naoor wʋsgo, sã n yaa ned miting n kõ-a tẽegrã seb-vãoogã, a sakd n waame. (yb08 11 3; 14 1) Ãnd dãmb la yãmb tõe n boole?

• Y roagdba

• Y tʋmd-n-taas wall y karen-bi-taase

• Y yagse

• Y lebg-n-tɩ-ges rãmba, neb y sẽn zãmsd Biiblã la neb y sẽn da zãms Biiblã pĩnda

Sẽn paase, kãsem-dãmbã na n gʋlsa neb nins sẽn pa le wat tigissã la b pa le yit koɛɛgã moonegã yʋyã, n bool-b tɩ b wa tẽegrã. La y miting sã n pa be yãmb babgẽ wã yẽ? Y sã n kẽ jw.org n kilik zĩig ning b sẽn gʋls tɩ KIBAY TÕND ZUGU la y kilik “Tẽegrã,” y na n tõog n bãnga b sẽn na n maan tẽegrã wakat ning la zĩig ning a babgẽ wã. Y sã n wa segend y meng roandã tẽegrã yĩnga, bɩ y tẽeg neb nins yãmb sẽn tõe n boolã yelle, n bool-ba.