Yãmb yaa so-pakd yʋʋm sẽn ta 23, la sẽn pa yɩɩd 65 bɩ? Y tara keelem, la y na n sak n kẽng zĩig ning fãa koe-moondb sẽn pa waoogẽ, n tɩ sõng n moon koɛɛgã bɩ? Y sã n leoka sogs-kãensã fãa tɩ n-ye, rẽ yĩnga, y tagsa y sã n pa tõe n gʋls n kos n kẽng Rĩungã koe-moondb lekoll sɩda? Lekollã sẽn sɩngã tɛka, yaa d tẽed-n-taas bãmb tusa sẽn kẽ kãadem, la sẽn pa kẽ kãadem n kos n kẽnge. La d ratame tɩ rap wʋsg sẽn pa kẽ kãadem gʋls n kos n kẽnge. Pʋʋs-y-yã a Zeova n kos-a t’a sõng-y tɩ y maneg n taa a yam, la y tõog n dɩk a bi-riblã togs-n-taare. (Yɩɩn. 40:9; Mat. 20:28; Ebre. 10:7) Rẽ poor bɩ y tags n ges y sẽn tõe n maan to-to n boog y tʋʋm kẽere, sẽn na yɩl n wa tõog n kẽnge.

Tʋʋm-bʋs la neb nins sẽn kẽng lekollã tõe n wa paam n tʋme? Kẽer paamame tɩ b yãk-b tɩ b na n kẽng zĩis neb sẽn gomd buud-goam a taab n tɩ moone, pa rẽ bɩ b kẽng galʋ-tẽns pʋsẽ n tɩ naag n moon koɛɛgã zĩis zamã sẽn beẽ. Sãnda wa n paamame tɩ b yãk-b tɩ b na n lebg tigims sull yel-gɛtb lɛdgdba, tigims sull yel-gɛtba, pa rẽ bɩ misioneer-dãmba. Y sã n wa tagsd tʋʋm nins y sẽn tõe n wa tʋm a Zeova tũudmã pʋgẽ wã yelle, bɩ y rɩk no-rɛɛs a Ezayi togs-n-taare. A yeelame yaa: “Ad maam, tʋm-y maam!”—Eza. 6:8

GES-Y VIDEO WÃ: MISIONEER-DÃMBÃ TƲMDA WƲSG KOƐƐGÃ MOONEG PƲGẼ. TƖ RẼ POOR BƖ Y LEOK SOGSGÃ:

• Wãn to la b yãkd misioneer-dãmbã?

• Bõe n wilgd tɩ misioneer-dãmbã tʋmda wʋsg koɛɛgã mooneg wɛɛngẽ?

• Bark-bʋs la misioneer-dãmbã paamda?