Ned sẽn maand ɛspoor segd n ket n wɩsgda a gĩinã, sẽn na yɩl t’a minimã paasdẽ. Woto me, tõnd segd n maana modgr wʋsgo, n tõog n kell n yɩ neb sẽn minim n tagsdẽ. (Ebre. 5:14) Baa ne d sẽn mi n dat bal n maan wa d taabã, d tog n yɩɩ neb sẽn minim n tagsdẽ, la sẽn tõe n yãk yam b toore. Bõe yĩnga? Bala, Wẽnnaam na n kaoo tõnd ned kam fãa bʋʋd wa sẽn zems a yam-yãkre.—Rom. 14:12.

D pa segd n tagsdẽ tɩ d sẽn deeg lisg tɩ kaoos yʋʋm wʋsgã yĩng bala, d na n bãng n yãka yam ye. Sẽn na yɩl n bãng n yãk yam, d segd n teega a Zeova zãng-zãnga, la d teeg a Gomdã la a siglgã.—Zoz. 1:7, 8; Yel. 3:5, 6; Mat. 24:45.

GES-Y VIDEO WÃ: “D KELL N TALL SŨUR-KASET SẼN YAA SÕMA.” RẼ POOR BƖ Y LEOK SOGSGÃ:

• A Ema ra segd n yãka yam n maan bõe?

• Bõe yĩng tɩ d pa segd n togs d tagsgo, yam-yãkr nins sẽn yaa sũur-kaset yellã wɛɛngẽ?

• Sagl-bʋg sẽn yaa sõma la saam-biig ne a pag kõ a Ema?

• Yɛ la a Ema paam sagls sẽn sõng-a a yellã pʋgẽ?