D sũur sɩd yaa noog wʋsgo, d sẽn paam borsiir-paall la seb-paall nebã zãmsg yĩngã. D pʋʋsda a Zeova n kot-a t’a ning d mogrã barka, tɩ d tõog n zãms neb wʋsg Biiblã tɩ b sak n lebg a Zeezi karen-biisi. (Mat. 28:18-20; 1 Kor. 3:6-9) Wãn to la tõnd tar d tʋʋm-te-paalã n tʋmdẽ?

Baa ne d sẽn tar Vɩɩmd-y wakat sẽn kõn sa! sebrã n zãmsd nebã Biiblã to-to wã sẽn yaa toor ne d sẽn minim n maandẽ wã, tũ-y sagls nins sẽn pʋgdã, y sã n wa segend y meng n na n tɩ zãms ned Biiblã, la y sã n wa zãmsd-a. *

• Karm-y zãmsgã sẽn tikẽ wã, la y sõs sogsgã zugu

• Karm-y vɛrse nins b sẽn yeel tɩ b karmã, la y sõng Biibl karen-biigã t’a wʋm b võore

• Ges-y video-rãmbã la y sõs b zugu. Sok-y sogsg nins fãa b sẽn sokã

• Modg-y tɩ Biiblã zãmsg fãa sasa, bɩ y tõog n sa sak a yembre

Koɛɛgã mooneg sasa, reng-y n kãab-y kɛlgdã borsiirã, sẽn na yɩl n bãng a sã n sɩd rat n bãng n paasame. (Ges-y zĩ-gũbr ning gom-zug sẽn yaa “ D sẽn tõe n kãab Vɩɩmd-y wakat sẽn kõn sa! borsiirã to-to pipi sõsg sasa.”) Y sã n wa n zãms ned borsiirã n sa, t’a rat n kẽng taoor ne zãmsgã, bɩ y kõ-a Vɩɩmd-y wakat sẽn kõn sa! sebrã la y sɩng sak a 4 zĩigẽ. Yãmb sã n zoe n zãmsda ned Bãng Biiblã sebrã, pa rẽ bɩ Pa Wẽnnaam nonglmã pʋgẽ sebrã, bɩ y ledg seb-kãens ne Vɩɩmd-y wakat sẽn kõn sa! sebrã, la y yãk zĩig ning y sẽn na n sɩng zãmsgã.

GES-Y VIDEO WÃ: NE Y WAOONGO, YÃMB SẼN DAT N SƖNG BIIBLÃ ZÃMSGÃ. RẼ POOR BƖ Y LEOK SOGSGÃ:

• Bõe la Biibl karen-biisã na n bãng seb-paallã pʋgẽ?

• Bõe yĩng tɩ y segd n wilg neb nins sẽn nan sɩng Biiblã zãmsg paalmã video-kãngã?

• Bõe ne bõe la yãmb tõe n sagl Biibl karen-biigã bilf-bilf t’a yãk yam n na n wa maane, la a modg n wa maane?—Ges-y zĩ-gũbr ning gom-zug sẽn yaa:“  B sẽn gomd bũmb ning yell babg fãa pʋgẽ, la y sẽn tog n maane.”