Sẽn na yɩl n sõng tõndo, a Zeova kɩtame tɩ d tar saam-biis la saam-bi-pogs sẽn be dũniyã gill zugu. (1 Pɩy. 5:9) B tõe n sõnga tõnd tɩ d tõog n mao ne zu-loees nins d sẽn paamd koɛɛgã mooneg sasa wã. Wala makre, tʋm-tʋmd a Poll paama a Akila ne a Pirsill sõngre, n paas a Sɩlaas, a Tɩmote la neb a taab me sõngre.—Tʋʋ. 18:1-5.

Wãn to la d tẽed-n-taasã tõe n sõng tõnd koɛɛgã mooneg pʋgẽ? B tõe n kõo tõnd sagls takɩ tɩ d bãng d sẽn tõe n maan to-to ned sã n yeel t’a pa rat n kelg koɛɛgã, d sẽn tõe n lebg n tɩ kaag ned to-to, pa rẽ bɩ d sẽn tõe n kãab ned Biibl zãmsgo, bɩ n sɩng Biibl zãmsg ne-a to-to. Tags-y n ges-y ãnd n be yãmb tigingã pʋgẽ n tõe n sõng-y tɩ y paam sõngr ning y sẽn datã, tɩ rẽ poor bɩ kos-a t’a sõng-yã. Sãmbg kae tɩ yãmb y yiibã fãa na n yãame tɩ rẽ nafd-y lame, la kɩtdẽ tɩ y ned kam fãa paamd sũ-noogo.—Fili. 1:25.

GES-Y VIDEO WÃ: D SÃ N SÕNGD NEBÃ TƖ B LEBGD KAREN-BIISI, D PAAMDA SŨ-NOOGO —D SAK A ZEOVA SÕNGRÃ: D TẼED-N-TAASÃ. RẼ POOR BƖ Y LEOK SOGSGÃ:

• Wãn to la a Liza modg n sõng a Zan sẽn na yɩl t’a wa tigsga?

• D sã n wa na n tɩ zãms ned Biiblã, bõe yĩng tɩ d segd n bool koe-moond a to t’a yãag-do?

• Bõe la a Zan ne a Abigayɛll fãa ra nonge?

• Minim-bʋs la d tẽed-n-taasã tõe n sõng tõnd tɩ d paam koɛɛgã mooneg wɛɛngẽ?