Tesalonik tigingã neb wilgame tɩ b nonga b tẽed-n-taasã, baa ne b sẽn da segd zu-loees wʋsgã. (2 Tes. 1:3, 4) Rũndã-rũndã me, a Zeova Kaset rãmbã wilgdame tɩ b nonga b tẽed-n-taasã sẽn be dũniyã gill zugã. Sõss nins gom-zug sẽn yaa “Bõe la b maand ne ligdã y sẽn kõtã” sẽn be JW Library aplikasiyõ wã pʋgẽ wã wilgda b sẽn tar ligdã y sẽn kõtã n sõngd y tẽed-n-taasã to-to yel-pakr wakate. D pẽgd-y-la y nonglmã yĩnga, la y sẽn wilgd tɩ y yaa kõatb me wã yĩnga.

GES-Y VIDEO WÃ: TÕND PƲƲSDA “WẼNNAAM BARK WAKAT FÃA YÃMB YĨNGA.” RẼ POOR BƖ Y LEOK SOGSGÃ:

• Tʋʋm-bʋs la ligdã d sẽn kõtã sõngd tɩ b tõogd n tʋmdẽ?

• Y sã n dat n kõ ligd n sõng d tẽed-n-taas nins sẽn dat sõngrã, wãn to la y tõe n maan tɩ yɩ sõma n yɩɩda?—Ges-y JW Library aplikasiyõ wã pʋgẽ, sõsg ning gom-zug sẽn yaa: “Sẽn tar-b wʋsgã kũunã lekda sẽn pa tar-b tɩ sekã rẽnda”