MOON-Y KOƐƐGÃ SÕMA | PAAS-Y Y SŨ-NOOGÃ KOƐƐGÃ MOONEG PƲGẼ
Zãmsd-y nebã ne yẽesem
Tõnd yẽesmã nafda d taabã. D sã n tar yẽesem, na n kɩtame tɩ nebã rat n kelg-do. Leb n wilgdame tɩ tõnd mengã nanda koɛɛg ning d sẽn taasdã. Tõnd fãa tõe n modg n talla yẽesem, baa d sẽn yaa ned ning buudu, wall d sẽn yitẽ. (Rom. 12:11) Wãn to?
Pipi, tagsd-y koɛɛg ning y sẽn taasd nebã yõodã. Yãmb sẽn paam n “moond koe-noog n gomd bõn-sõma yellã” sɩd yaa zu-zẽkre! (Rom. 10:15) Yiib-n-soaba, bʋgs-y koe-noogã sẽn tõe n naf y kɛlgdbã to-to. Y sẽn tar n na n togs-bã yaa b mens neer yĩnga. (Rom. 10:13, 14) Sẽn na n baase, gom-y ne yẽesem, n bilsd ne y nusã, tɩ y nen-wamdã sẽn yaa to-to wã me zems ne rẽ.
GES-Y VIDEO WÃ: D SÃ N SÕNGD NEBÃ TƖ B LEBGD KAREN-BIISI, D PAAMDA SŨ-NOOGO—PAAS-Y Y KOE-MOONEGÃ MINIM: ZÃMSD-Y NEBÃ NE YẼESEM. RẼ POOR BƖ Y LEOK SOGSGÃ:
-
Bõe n kɩt t’a Liza ra pa le zãmsd a Zan Biiblã ne yẽesem?
-
Bõe n sõng a Liza t’a yẽesmã le paase?
-
Tõnd yẽesmã nafda d taabã
Bõe yĩng tɩ d segd n get sẽn kelgd-b tõndã zʋg-sõma wã n tɩ yɩɩda?
-
Wãn to la tõnd yẽesmã tõe n naf d Biibl karen-biisã la neb a taaba?
