D saam-biisã tagsda neer sẽn na yɩl n segl bũmb nins b sẽn yet Sõsg tɩʋʋsgã zĩigẽ wã. Koe-moondb wʋsg me mikame tɩ rẽ tũub sɩd womda biis sõma b moonegã zĩisẽ. La sẽn mik tɩ yɛlã pa yembr dũniyã zĩig fãa wã, koe-moondbã tõe n toeema b sẽn na n sɩng sõsg to-to koɛɛgã mooneg sasa wã, bɩ n toeem b sẽn na n gom bũmb ning yellã, tɩ zems ne bũmb ning sẽn na n yɩ b moonegã zĩigẽ nebã noogo. La b sã n wa kõ noy sebr d sẽn segd n pʋɩ dũniyã gill zug wɛɛngẽ, d fãa segd n tũume. Tõnd bõn-daabã yaa d tõog n tʋm tʋʋmd ning a Zeezi sẽn kõ-dã, rat n yeel tɩ moon Rĩungã koe-noogã.—Mat. 24:14.

B sã n wa kõ koe-moondb tʋʋmd Moon-y koɛɛgã sõma wã sasa, b segd n tũu bũmb ning sẽn be Sõsg tɩʋʋsgã zĩigẽ, Kiris-nebã vɩɩm la b tʋʋma tigissã na-kẽndr sebrã pʋgẽ wã. La b sã n pa kõ noy a taaba, koe-moondbã tara sor n tõe n toeem sokrã, vɛrse wã, sokr a to wã, la sẽn yaa zĩig ning la b moonda, tɩ zems ne b moonegã zĩigẽ nebã sẽn dat n kelgã. Bũmb ning b sẽn togsã remsda b sẽn da yeel yʋʋmd 2020 sigr kiuug Kiris-nebã vɩɩm la b tʋʋma tigissã na-kẽndr sebrã pʋgẽ, a seb-neng a 8 wã zĩigẽ.