D sã n yãk d sẽn dat n maan a Zeova tũudmã pʋgẽ wã, sõngdame tɩ d bãng n tʋm ne d pãngã sõma tɩ zemse. (1 Kor. 9:26) Sõngdame tɩ d bãng n tʋm ne d sẽkã me tɩ zemse, bala keta bilf bal tɩ dũni-kãngã saabã ta. (Efɛɛ. 5:15, 16) Y zak pʋgẽ Biibl zãmsgã sasa, y tõe n goma bũmb nins y sẽn dat n yãk yam n wa maan tʋʋmdã yʋʋmdã sẽn watã pʋgẽ. Tʋʋmdã yʋʋmdã sɩngda bõn-bɩʋʋng kiuugã n tɩ tãag sa-sik kiuugã. Sẽn na yɩl n sõng-yã, Kiris-nebã vɩɩm la b tʋʋma tigissã na-kẽndr seb-kãngã pʋgẽ, sõss toor-toor n be bũmb nins y sẽn tõe n yãk yam n maanã wɛɛngẽ, tɩ y tõe n tags rẽ zugu, la y pʋʋs rẽ wɛɛngẽ.—Zak 1:5.

Wala makre, rẽ yĩnga, zaka neb fãa pa tõe n sõng taaba, tɩ baa yaa nin-yend gʋls n kos n lebg wakat fãa so-pakd sɩda? Y sã n maanda sãmbs y sã n na n tõog n paama lɛɛr-dãmbã sõor kiuug fãa, bɩ y sõs ne so-pakdb kẽer yɛl sẽn wõnd yãmb dẽndã. (Yel. 15:22) Yãmb tõeeme meng n bool so-pakd y zak pʋgẽ Biibl zãmsgã sasa, n sok-a sogsgo. Rẽ poor bɩ y gʋls na-kẽndɩ toor-toor sebr zugu. Yãmb sã n yɩɩ so-pakd pĩndã, tags-y n ges-y y yɛlã sẽn yaa to-to wã pa kɩt tɩ y tõe n le lebg so-pakda.

Rẽ yĩnga, yãmb zakã pʋgẽ, neb kẽer pa tõe n dɩk sõngr so-pakrã kiuug bɩ sẽn yɩɩd rẽ sɩda? Y pãngã sã n pa waooge, y tõe n dɩka sõngr so-pakrã, n moond koɛɛgã lɛɛr a wãn daar fãa. Y sã n pa tar sẽk n na n yi n moon koɛɛgã semennã pʋgẽ, y sẽn tʋmd daar fãa yĩnga, wall y sẽn kẽnd lekoll yĩnga, bẽd-y ne kiuug sẽn tar feriye, pa rẽ bɩ sẽn tar wɩkɛn-dãmb a nu. Bao-y weere, tɩ yãmb ne y zakã rãmb naag taab n yãk y sẽn na n wa maan tʋʋmdã yʋʋmdã sẽn watã pʋgẽ. Gʋls-y wakat ning y sẽn magd n na n dɩk sõngr so-pakrã kalãndiriye zugu, la y maan na-kẽndre, n gʋls sebr zugu.—Yel. 21:5.

GES-Y VIDEO WÃ: TALL-Y RAOODO—SO-PAKDBÃ. RẼ POOR BƖ Y LEOK SOKRÃ:

• Wãn to la a Zeova ges saam-bi-poak a Aamand yelle? Rẽ sõngda tõnd tɩ d bãng bõe?