Biiblã pʋgẽ, a Zeova sẽn leok neb pʋʋsg to-to kibay waoogame. Wẽnnaam nin-buiidã sã n neẽ tɩ Wẽnnaam kelgda b sẽn pʋʋsd-a n togsd b zu-loeesã, la a sõngd-ba, yaa vẽeneg tɩ b tẽebã pãng paasdame. Rẽ n so tɩ yaa sõma tɩ d pʋʋsgã pʋgẽ bɩ d gomd bũmb takɩ yelle, la d baood n bãngd a Zeova sẽn na n leok to-to. D tẽeg t’a sẽn na n leok to-to wã tõe n yɩɩ toor ne tõnd sẽn kosã, wall n yɩɩg tõnd sẽn kosã. (2 Kor. 12:7-9; Efɛ. 3:20) Bõe la a Zeova tõe n maan n kõ tõndo, n leok d kosgã?

• Pãnga, tẽebo, bɩ sũur pʋgẽ bãane, tɩ d tõog n mao ne d zu-loeesã.—Fili. 4:13

• Yam sẽn na yɩl tɩ d bãng n yãk yam.—Zak 1:5

• Raab la tõog sẽn na yɩl n maan bũmbu.—Fili. 2:13

• Sũur pʋgẽ bãane, d sã n wa maand yɩɩre.—Fili. 4:6, 7

• Sõngr la raood kengr neb a taab nengẽ.—1 Zã 3:17, 18

• A tõe n sõnga neb nins d sẽn pʋʋsd n kõtẽ wã.—Tʋʋ. 12:5, 11

GES-Y VIDEO WÃ: “A ZEOVA KELGDA PƲƲSGO.” RẼ POOR BƖ Y LEOK SOGSGÃ:

• Bãag sã n kɩtame tɩ d pa tõe n le maan wa d sẽn datã, wãn to la saam-biig a Shimizu kibarã tõe n keng d raoodo?

• Wãn to la d tõe n dɩk saam-biig a Shimizu togs-n-taare?