A Salomo kosa a Zeova yam (1 Rĩm. 3:7-9; w11 12/1 10 s. a 4-6)

A Salomo sẽn kos bũmb ningã yɩɩ a Zeova noogo (1 Rĩm. 3:10-13)

A Salomo sẽn da nand yam ning Wẽnnaam sẽn ko-a wã yĩnga, soolmã nebã fãa ra vɩɩ ne laafɩ la bãane (1 Rĩm. 4:25)

Yam soab yaa ned sẽn mi bũmb sõma, n wʋmd a võor sõma, la sẽn tõe n tʋm ne a sẽn mi wã sõma tɩ sõng-a t’a bãng n yãk yam. Yam tara yõod wʋsg n yɩɩd sãnem. (Yel. 16:16) D sã n pʋʋsd Wẽnnaam n kot-a yam, n wilgd tɩ d zoet-a lame, n sakd ne sik-m-meng tɩ pa bũmb fãa la d tõe n maane, la d zãmsd a Gomdã n zulgdẽ, d paamda yam.