A Zeova ratame tɩ d tũ-a, d sẽn nong-a wã yĩnga. (Mat. 22:37, 38) Biibl karen-biisã sã n nong a Zeova, yaa rẽ n na n kõ-b pãnga, tɩ b tõog n toeem bũmb kẽer b vɩɩmã pʋgẽ, la b tõog n yals kãn-kãe b sã n wa paamd makre. (1 Zã 5:3) B sã n nong a Zeova, yaa rẽ n na n kɩt tɩ b rɩk b mens n kõ-a n deeg lisgu.

Sõng-y y Biibl karen-biisã tɩ b bãng tɩ Wẽnnaam nong-b lame. Wala makre, sok-y-b yaa: “Bõe la rẽ wilgd foom a Zeova zugu?” “Bɩ wãn to la rẽ wilgd tɩ Wẽnnaam nonga foom?” Sõng-y-b tɩ bãmb mensã yã a Zeova sẽn sõngd-b to-to wã vẽenega. (2 Kib. 16:9) Togs-y-b a Zeova sẽn leok yãmb pʋʋsg kẽer takɩ to-to, la y sagl-b tɩ b gũus n ges a Zeova sẽn leokd b pʋʋsgã to-to me. D sã n neẽ tɩ d Biibl karen-biisã miime t’a Zeova nong-b lame, la tɩ bãmb me nonga a Zeova n dat n lebg a zo-rãmba, d sũur yaa noog wʋsgo.

GES-Y VIDEO WÃ: SÕNG-Y NEB NINS Y SẼN ZÃMSD BIIBLÃ TƖ B PAAS BÃMB NE A ZEOVA ZOODÃ. RẼ POOR BƖ Y LEOK SOGSGÃ:

• Zu-loe-bʋg la a Zan ra maood ne?

• Bõe la a Liza maan n sõng a Zan?

• Wãn to la a Zan tõog n mao ne a zu-loɛɛgã?