Yãmb tara yõod a Zeova nifẽ. (Eza. 43:4) A taka yãmb n wa a nengẽ, la a siglgã pʋgẽ. Yãmb sẽn dɩk y meng n kõ a Zeova n deeg lisgã, y lebga a rẽnda. A na n gesa yãmb yelle, baa y sã n wa maood ne zu-loeese. A na n wilga yãmb a nonglem-kãsengã, ne a siglgã maasem.—Yɩɩn. 25:10.

D sã n lebg n tẽeg a Zeova siglgã sẽn maan bũmb nins yʋʋmã noorã sabab-wẽns poorã, na n kɩtame tɩ d sũur maneg n yɩ noog ne a Zeova nonglem-kãsengã.

GES-Y VIDEO WÃ: YƲƲMD 2019 SIGLGÃ TAOOR LƲƖTBÃ SULL RAPOORE. RẼ POOR BƖ Y LEOK SOGSGÃ:

• Wãn to la siglgã taoor lʋɩtbã sull sõngd filiyall-dãmbã sẽn be dũniyã gill zugã, tɩ b segend b mens sabab-wẽns yĩnga?

• Bõe la a Zeova siglgã maan-yã, n ges tɩ neb paam sõngr Ẽndonezi ne Nizeriya soolmẽ wã, la b kõ-b noy la saglse?

• A Zeova siglgã sẽn maand bũmb nins koronaviriisã bã-longdgã wɛɛngẽ wã, bõe n noom yãmba?