Tʋʋl-nif rasem 29–Sig-noy rasem a 5
YƖƖN-SÕAMYÃ 34–35
Yɩɩll 10 la pʋʋsgo | Sɩngr goama (Min. a 1)
1. ‘Pẽg-y-yã a Zeova wakat fãa’
(Min. 10)
Baa ne a Davɩɩd sẽn wa n maood ne zu-loeesã, a pẽga a Zeova (Yɩɩn. 34:1; w07 3/1 25 s. 11)
A Davɩɩd pẽga a meng a Zeova pʋgẽ, a pa teeg a meng ye (Yɩɩn. 34:2-4; w07 3/1 26 s. 13)
A Davɩɩd sẽn pẽg a Zeova to-to wã kenga a tũud-n-taasã raoodo (Yɩɩn. 34:5; w07 3/1 26 s. 15)
A Davɩɩd sẽn loog n bas a Abimelɛkã poore, rap 400 sũy sẽn da pa noom ne a Sayull naamã n kẽng we-raoogẽ wã n tɩ naag a Davɩɩde. (1 Sãm. 22:1, 2) Tõe t’a Davɩɩd ra tagsda nin-kãens yelle, a sẽn wa n gʋlsd yɩɩn-kãngã wã.—Yɩɩn. 34, sɩngr goama.
SOK-Y Y MENGA: ‘Wãn to la m tõe n pẽg a Zeova, m sã n wa sõsd ne ned tigsg ning sẽn na n pʋglã sasa?’
2. D bʋgs Wẽnnaam Gomdã zug neere
(Min. 10)
-
Yɩɩn. 35:19—A Davɩɩd sẽn kos tɩ Wẽnnaam da bas tɩ neb nins sẽn kis yẽ wã ‘wẽgs b nin’ ne-a wã, a ra rat n yeelame tɩ bõe? (w06 6/1 31 s. 10)
-
Togs-y semen-kãngã Biiblã karengã sẽn sõng yãmb tɩ y bãnge.
3. Biiblã karengo
(Min. a 4) Yɩɩn. 34:1-22 (th sak a 5)
4. Y sẽn tõe n sɩng sõsg to-to
(Min. a 2) TŨNUG NE SEGB Y SẼN PAAME. Sõsgã saame tɩ f yaool n pa paam n taas a soabã koɛɛgã ye. (lmd sak a 1 nimero a 4 zĩigẽ)
5. Lebg-y n tɩ kaag-y nebã
(Min. a 4) TŨNUG NE SEGB Y SẼN PAAME. (lmd sak a 2 nimero a 4 zĩigẽ)
6. Gom-y bũmb nins y sẽn tẽedã yelle
(Min. a 5) Mak-n-wilgi. ijwfq 59—Gom-zugã: A Zeova Kaset rãmbã maanda wãn n bãng b sã n tõe n maana tigri? (th sak 17)
Yɩɩll 59
7. Bũmb a tãab d sẽn tõe n maan n pẽg a Zeova tigissã sasa
(Min. 15) Sõsg ne kɛlgdbã.
Tigissã sasa, d paamda segb buud toor-toor n tõe n pẽg a Zeova. D gom bũmb a tãab yelle.
Sõs ne neb a taabã: D gom a Zeova maan-neerã yelle, d sã n wa sõsd ne d taabã. (Yɩɩn. 145:1, 7) Rẽ yĩnga, yãmb wʋma bũmbu, pa rẽ bɩ y karma gomd ning tɩ naf yãmb bɩ? Yãmb paama kiba-noog koɛɛgã mooneg sasa bɩ? Ned goam wall a manesem n keng yãmb raood bɩ? Bũmb nins a Zeova sẽn naanã sʋka, bũmb la yãmb yã tɩ noom yãmb bɩ? Rẽ fãa yaa a Zeova kũuni. (Zak 1:17) Wa-y pĩnda, n paam n sõs ne neb a taabã.
Leoorã d sẽn kõtã: Tigsg fãa sasa, bɩ y modg n leok vugr bɩ sẽn yɩɩd rẽ. (Yɩɩn. 26:12) B sã n wa sok sokre, y tõe n kõo sokrã leoor vẽeneg-vẽenega, wall y gom bũmb a to yelle, vɛrse yelle, imaaz yelle, bɩ n wilg d sẽn tõe n tũ saglgã to-to. Sẽn mik tɩ neb a taab me na n zẽka b nug n leokã, bɩ y segl leoor a yiib bɩ a tãabo. Y leoorã sã n kaoosd segõnd 30 bɩ sẽn pa ta rẽ, neb wʋsg na n tõog n kõo ‘Wẽnnaam pẽgr maoongo.’—Ebre. 13:15.
Yɩɩlã d sẽn yɩɩndã: Yɩɩl-y Rĩungã yɩɩlã ne yẽesem. (Yɩɩn. 147:1) Y sã n bee tiging bedr pʋgẽ, y tõeeme n pa paam n leok tigsg fãa sasa ye. La tigsg fãa sasa, y tõe n naaga tigingã neb a taabã n yɩɩle. Baa y sã n tagsdame tɩ y pa yɩɩnd sõma, y sã n maan y sẽn tõe fãa, y tõe n basa y yam tɩ y modgrã tata a Zeova yam! (2 Kor. 8:12) Y tõe n zãmsa yɩɩlã yiri, tɩ sõng-yã.
Ges-y VIDEO wã: A Zeova Kaset rãmbã: Pĩndã n tãag masã—Yɩɩlã yaa kũuni, pipi babgã. Rẽ poor bɩ f sok kɛlgdbã yaa:
A Zeova Kaset rãmbã siglgã luglg sɩngrẽ wã, wãn to la d wilg tɩ yɩɩl n pẽg a Zeova wã yaa bũmb sẽn tar yõod wʋsgo?
