Tʋʋl-nif rasem a 1-7
YƖƖN-SÕAMYÃ 23–25
Yɩɩll a 4 la pʋʋsgo | Sɩngr goama (Min. a 1)
1. “A Zeova yaa mam pe-kɩɩma”
(Min. 10)
A Zeova wilgda tõnd sore (Yɩɩn. 23:1-3; w11 6/1 11 s. a 3)
A Zeova kogenda tõndo (Yɩɩn. 23:4; w11 6/1 11 s. a 4)
A Zeova rɩlgda tõndo (Yɩɩn. 23:5; w11 6/1 11 s. a 5)
A Zeova geta a nin-buiidã yell neere, wa pe-kɩɩm-sõng sẽn get a piis yell to-to wã.
SOK-Y Y MENGA: ‘Wãn to la a Zeova get mam mengã yelle?’
2. D bʋgs Wẽnnaam Gomdã zug neere
(Min. 10)
-
Yɩɩn. 23:3 —Bõe la b sẽn boond tɩ “tɩrlem soayã,” la bõe n na n sõng-d tɩ d ra wa bʋdg n bas-ba? (w11 2/1 24 s. a 1-3)
-
Togs-y semen-kãngã Biiblã karengã sẽn sõng yãmb tɩ y bãnge.
3. Biiblã karengo
(Min. a 4) Yɩɩn. 23:1–24:10 (th sak a 5)
4. Y sẽn tõe n sɩng sõsg to-to
(Min. a 3) TŨNUG NE SEGB Y SẼN PAAME. Karem Biiblã vɛrse sẽn kengd raood n wilg ned sẽn yeel foom tɩ pemsmã la koomã rẽgeng yell pak-a lame. (lmd sak a 2 nimero a 5 wã zĩigẽ)
5. Lebg-y n tɩ kaag-y nebã
(Min. a 4) ZAK-ZAKA. Wilg ned sẽn sak n deeg Vɩɩmd-y wakat sẽn kõn sa! borsiirã d sẽn zãmsd nebã Biiblã to-to. (lmd sak a 9 nimero a 3 wã zĩigẽ)
6. Sõng-y-b tɩ b lebg a Zeezi karen-biisi
(Min. a 5) lff sak 14 la nimero a 4 zĩigẽ. (lmd sak 11 nimero a 3 wã zĩigẽ)
Yɩɩll 54
7. Tõnd pa kelgd sãamb koees ye
(Min. 15) Sõsg ne kɛlgdbã.
Piis mii b pe-kɩɩmã koɛɛga, n tũud-a. La sã n yaa sãan koɛɛgã, b zoetame. (Zã 10:5) Woto me, tõnd kelgda a Zeova ne a Zeezi sẽn yaa tõnd pe-kɩɩmb sẽn nong tõnd la d sẽn tõe n teeg zãng-zãngã koeese. (Yɩɩn. 23:1; Zã 10:11) D pa kelgd sãambã koeese, b sẽn dat n koms d tẽebã ne ‘sɩlem goamã’ yĩnga.—2 Pɩy. 2:1, 3.
Sɩngr sak a tã wã wilgda wakat ning ninsaalbã sẽn wʋm sãan koɛɛg pipi tẽngã zugã. A Sʋɩtãan tũnuga ne waaf n gom ne a Awa. Ra yaa sẽn na yɩl t’a Awa ra tõog n bãng soab ning sẽn da gomd ne-a wã vẽeneg-vẽeneg ye. A maana wa a yaa a Awa zoa, n togs goam sẽn pa sɩd a Zeova sẽn yeelã la a bõn-daabã zugu. Bʋko, a Awa kelg-a lame. Rẽ waa ne nams-toaag yẽ mengã la a zakã neb zugu.
Rũndã-rũndã, a Sʋɩtãan yelgda kibay sẽn pa sɩda, la ziri-n-beed a Zeova la a siglgã zugu, a sẽn dat tɩ d maan sãmbsã yĩnga. D sã n wʋm sãan koɛɛga, d segd n zãaga d meng ne rẽ! D sã n kelg baa yaa bilfu, tõe n waa ne yell meng-menga. A Sʋɩtãan ne a Awa sẽn sõs koɛɛg-koɛɛgã sasa, yɩɩ goam a wãn la a Sʋɩtãan togs-a sẽn na yɩl n belg-a? (Sɩng. 3:1, 4, 5) La sã n mik tɩ yaa ned d sẽn mi, ned sẽn nong tõnd la sẽn tar yam-sõng n dat n taas-d kibay sẽn pa sɩd a Zeova siglgã zugu, d manesem na n yɩɩ wãna?
Ges-y VIDEO wã: Ra kelg-y ‘sãambã koees’ ye. Rẽ poor bɩ f sok kɛlgdbã yaa:
A Zan ma wã sẽn pa a Zeova Kaset soabã sẽn wa n dat n taas-a kibay sẽn pa sɩd a Zeova siglgã zugã, a Zan manesem yɩɩ wãna, la rẽ kõta tõnd yam-bʋgo?
