Sẽoog rasem 29–Sa-sik rasem a 4
YƖƖN-SÕAMYÃ 69
Yɩɩll 13 la pʋʋsgo | Sɩngr goama (Min. a 1)
1. Bũmb nins b sẽn da pĩnd n togs a Zeezi zug Yɩɩn-sõamyã 69 pʋgẽ wã sẽn pids to-to
(Min. 10)
B kisga a Zeezi zaalem yĩnga (Yɩɩn. 69:4; Zã 15:24, 25; w11 8/1 13 s. 17)
A Zeezi ra tara yẽesem tũudum hakɩɩkã yĩnga (Yɩɩn. 69:9; Zã 2:13-17; w10 12/1 16 s. a 7-8)
A Zeezi ra bee sũ-sãan-kãseng pʋgẽ tɩ b kõ-a divẽ sẽn kalem ne bũmb sẽn yaa toog liga (Yɩɩn. 69:20, 21; Mat. 27:34; Luk 22:44; Zã 19:34; g95 22/10 31 s. a 4; it-2 600)
F SẼN TÕE N BƲGSE: Bõe yĩng t’a Zeova kɩt tɩ b pĩnd n togs bãngr-goam Mesi sã zugu, tɩ be Biiblã babg ning b sẽn da gʋls ne ebre wã pʋgẽ?
2. D bʋgs Wẽnnaam Gomdã zug neere
(Min. 10)
-
Yɩɩn. 69:30, 31—Wãn to la vɛrse-kãensã tõe n sõng-d tɩ d paas d pʋʋsgã sõmblem? (w99 2/1 16 s. 11)
-
Togs-y semen-kãngã Biiblã karengã sẽn sõng yãmb tɩ y bãnge.
3. Biiblã karengo
(Min. a 4) Yɩɩn. 69:1-25 (th sak a 2)
4. Tall-y sũ-mare—A Zeezi sẽn maan to-to
(Min. a 7) Sõsg ne kɛlgdbã. Ning VIDEO wã. Rẽ poor bɩ y sõs lmd sak a 8 nimero a 1-2 zugu.
5. Tall-y sũ-mare—Maan-y wa a Zeezi
(Min. a 8) Sõsg ne kɛlgdbã. Tika lmd sak a 8 nimero a 3-5 wã, la “Ges-y.”
Yɩɩll 134
6. Sõsg tõnd tigingã yĩnga
(Min. a 5)
7. Saglse, zak pʋgẽ Biibl zãmsgã yĩnga
(Min. 10) Sõsg ne kɛlgdbã.
Yʋʋmd 2009 yʋʋm-vẽkr kiuugã, b yeelame tɩ d pa na n le tar sebr zãmsg sull ye. B rɩka tigis-kãng d sẽn da maandã n fãoog ne Wẽnnaam tʋʋmdã lekolle, la Tʋʋmdã tigsgã d sẽn da maand semennã pʋgẽ wã. Rẽ kõo zagsã rãmb segb semen fãa tɩ b tõe n maan b zak pʋgẽ Biibl zãmsgã. Zags rãmb wʋsg wilgame tɩ b sũur yaa noog ne b sẽn paam n tõe n maan b zak pʋgẽ Biibl zãmsgã, bala rẽ sõngd-b lame tɩ bãmb ne a Zeova zoodã pãng paasdẽ, tɩ bãmb ne b tẽed-n-taasã zems-n-taarã me lebgd sõma.—Tõo. 6:6, 7.
Biiblã sagl-bʋs n sõngd zak-soben-dãmbã tɩ b tõogdẽ tɩ b zak pʋgẽ Biibl zãmsgã yaa sõma?
-
Maand-y n pa vaandẽ ye. Sã n tõe bɩ y yãk wakat takɩ semen fãa y zak pʋgẽ Biibl zãmsgã yĩnga. Yãk-y daar a to me, yel-lingdem sã n wa kɩt tɩ y pa tõog n maan y zak pʋgẽ Biibl zãmsgã.
-
Segend-y y mense. Kos-y y pagã, la sasa ninga y kambã me sagls zak pʋgẽ Biibl zãmsgã yĩnga. Zak pʋgẽ Biibl zãmsgã seglgã pa segd n dɩk sẽk wʋsgo, sẽn yɩɩd fãa zakã rãmb sã n tara bũmb kẽer b sẽn nong n naagd taab n maand semen fãa.
-
Toeemd-y y sẽn zãmsd bũmb ninsã tɩ zemsd ne y zakã rãmb yɛla. Kambã sã n wa bɩtẽ, b sẽn dat bũmb ninsã la b minimã toeemdame. Y zak pʋgẽ Biibl zãmsgã segd n sõnga zakã ned fãa t’a tẽebã pãng paase.
-
Modg-y tɩ sõsgã yɩ noog-noogo, tɩ y zakã rãmb yamã gãe bãan me. Sasa ninga, zakã rãmb tõe n yiime n tɩ kok pemsem n kell n maan b zak pʋgẽ Biibl zãmsgã. Y sã n wa neẽ tɩ nebã yamã pa be zãmsgã zugu, bɩ y yals zãmsgã n maan bũmb a to. Yaa sɩd tɩ zak pʋgẽ Biibl zãmsgã sasa, y segd n goma zu-loees kẽer zakã rãmb sẽn maood ne yelle, la y pa segd n tũnug ne rẽ n sãbs kambã bɩ n kibl-b ye.
-
Maan-y bũmb toor-toor zãmsgã sasa. Wala makre, zãmsgã sasa, y tõe n segla tigsg sẽn nan wat sõsga, n ges video sẽn be jw.org pʋgẽ n sõs a zugu, la y maan mak-n-wilg toor-toor koɛɛgã mooneg yĩnga. Baa ne zakã rãmb sẽn segd n sõs ne taab n tɩ yɩɩd zak pʋgẽ Biibl zãmsgã sasa wã, b tõe n baoo sẽk me tɩ zakã ned fãa tõe n maan a meng Biibl zãmsgo.
Sok sokrã, tɩ y sõs a zugu:
-
Wãn to la y modg n tũ Biiblã sagls-kãensã y zak pʋgẽ Biibl zãmsgã sasa?
8. Tigingã Biibl zãmsgo
(Min. 30) bt sak 13 s. a 8-16, zĩ-gũbrã sẽn be seb-neng 105
