Sa-sik rasem a 5-11

D SẼN BÃNG BIIBLÃ KARENG PƲGẼ

1. Gom-y Wẽnnaam pãngã yell ne “zãmaan ning sẽn pʋgdã”

(Min. 10)

A Davɩɩd yãa a Zeova sẽn kogl-a to-to a bi-bɩɩlmẽ wã (Yɩɩn. 71:5; w99 9/1 24 s. 17)

A Davɩɩd yãa a Zeova sẽn teel-a to-to a kʋʋlmã wakate (Yɩɩn. 71:9; g04 8/10 23 s. a 3)

A Davɩɩd togsa kambã la kom-bɩɩsã bũmb nins sẽn paam-a wã tɩ keng b raoodo (Yɩɩn. 71:17, 18; w14 1/1 23 s. a 4-5)

SOK-Y Y MENGA: ‘Tõnd tigingã saam-biig bɩ saam-bi-poak bʋg sẽn tũud a Zeova hal sẽn kaoos la m na n bool t’a wa naag tõnd d zak pʋgẽ Biibl zãmsgã sasa, tɩ m sok-a sogsgo?’

2. D bʋgs Wẽnnaam Gomdã zug neere

(Min. 10)

Yɩɩn. 72:8—Wãn to la bũmb ning a Zeova sẽn pʋlem a Abrahaam tɩ be Sɩngr 15:18 pʋgẽ wã pids-yã, Rĩm a Salomo naamã sasa? (it-1 825)

Y leoorã
Togs-y semen-kãngã Biiblã karengã sẽn sõng yãmb tɩ y bãnge.

Y leoorã

3. Biiblã karengo

(Min. a 4) Yɩɩn. 71:1-24 (th sak a 5)

MOON-Y KOƐƐGÃ SÕMA

4. Y sẽn tõe n sɩng sõsg to-to

(Min. a 3) ZAK-ZAKA. Kɛlgdã sã n wa sɩng n wẽed no-koɛɛm ne foom, maan yam n kʋʋg sõsgã la f looge. (lmd sak a 4 nimero a 5 wã zĩigẽ)

5. Lebg-y n tɩ kaag-y nebã

(Min. a 4) TŨNUG NE SEGB Y SẼN PAAME. Lebg n tɩ kaag f roagd sẽn togs foo bũmb kẽer sẽn kɩt t’a pa rat n sɩng Biiblã zãmsgo. (lmd sak a 8 nimero a 4 zĩigẽ)

6. Gom-y bũmb nins y sẽn tẽedã yelle

(Min. a 5) Diskuuri. ijwfq 49—Gom-zugã: Bõe yĩng t’a Zeova Kaset rãmbã toeem bũmb kẽer b sẽn da tẽede? (th sak 17)

D WILG TƖ D YAA KIRIS-NEB HAKƖƖKA

7. Sagls y sẽn tõe n tũ zak pʋgẽ Biibl zãmsgã yĩnga

(Min. 15) Sõsg ne kɛlgdbã.

Zak pʋgẽ Biibl zãmsgã tara yõod wʋsgo, bala sasa kãnga, roagdbã tõe n sõnga b kambã tɩ b paam “a Zeova kiblgã la a saglsã.” (Efɛɛ. 6:4) Yɩl n sõng kambã pa nana ye. La rẽ maaneg tõe n waa ne sũ-noogo. Sẽn yɩɩd fãa, kambã sã n baood n na n bãng n paas Biiblã sẽn yetã wɛɛngẽ. (Zã 6:27; 1 Pɩy. 2:2) Lebg-y n ges-y zĩ-gũbrã gom-zugã sẽn yaa “ saglse, zak pʋgẽ Biibl zãmsgã yĩnga” n sõng roagdbã tɩ b modg tɩ b zak pʋgẽ Biibl zãmsgã sasa yɩ sũ-noog wakate, tɩ b sẽn zãmsd bũmb ninsã me nafd-ba. Rẽ poor bɩ f sok sogsgã:

Sagl-bʋg la yãmb na n mak n tũ?

Y leoorã
Bõe me yell la b gom video wã pʋgẽ tɩ tõe n naf yãmba?

Y leoorã

SAGLSE, ZAK PƲGẼ BIIBL ZÃMSGÃ YĨNGA

BIIBLÃ:

Kelg-y Biiblã babg ning b sẽn yãk tɩ d segd n karem semenã pʋgẽ wã b sẽn karem tɩ b rɩkã, wall y pʋɩ taab babs toor-toorã tɩ ned fãa zẽk a koɛɛg n karem. Zakã ned fãa tõe n karma nin-yend goama.
Segl-y sogsg nins b sẽn sokd Biiblã babg ning b sẽn yãk tɩ d segd n karem semennã pʋgẽ wã leoore. Zakã ned fãa tõe n segla sokr leoore, la a maan vaeesg rẽ wɛɛngẽ. Rẽ poore, b tõe n goma bũmb nins b sẽn bãngã yell ne b taabã.
Sok-y sokre, wall y gom yell takɩ yelle. Rẽ poor bɩ y maan vaeesg D sẽn tõe n tũ Biiblã sagls to-to sebrã pʋgẽ, n bao sagls y sẽn tõe n tũ.
Yãk-y Biiblã zĩig ninga, n maan mak-n-wilgi.
Semen fãa bɩ y gʋls vɛrse a ye seb-pɛdg zugu, wala makre b rãmb nins sẽn be Nong-y nebã: Sõng-y-b tɩ b lebg a Zeezi karen-biisã borsiir pʋgẽ, Venegre A wã zĩigẽ, la y modg n dɩk ne zugu. Bĩngd-y seb-pedsã, n lebgd n get semen fãa.
Yãk-y Vɩɩmd-y wakat sẽn kõn sa! sebrã zĩig ning n zãmse.
Yãk-y y zakã nin-yend t’a wɛgs sõsg sẽn tik “Sogsg Biiblã sẽn leokde” wall “Que veulent dire ces versets ?” sõss toor-toorã zĩigẽ. Y sã n kẽ jw.org pʋgẽ n ges BIIBLÃ SẼN YETE, bee tẽngrã.

TIGISSÃ:

Naag-y taab n segl tigissã sõss kẽere.
Segl-y leoorã la y lebg n dɩk tɩ neb a taab kelge. Gũus-y n ges-y y leoorã sẽn kaoosd to-to.
Naag-y taab n yɩɩl Rĩungã yɩɩla.
Sõss-y bũmb nins y sẽn tõe n yeel n keng y taabã raoodo, nand tɩ tigsgã sɩnge, la tigsgã poore, la y maan rẽ mak-n-wilgi.
Ned sã n tar sõsg tigsgã sasa bɩ a reng n wɛgs tɩ zakã rãmb kelge.

KOƐƐGÃ MOONEGO:

Segl-y y mens zak-zak koɛɛgã mooneg yĩnga.
Segl-y y mens n lebg n tɩ kaag nebã.
Mams-y y yamẽ tɩ y paama segb n na n sɩng sõsg ne neda. Mams-y y sẽn na n sɩng sõsgã to-to, la y maan mak-n-wilgi.
Sõs-y ne taab n bãng zakã rãmb sẽn tõe n maan to-to n moon wʋsg a Zeezi kũumã tẽegr sasa, y sã n wa rɩk vʋʋsem y tʋʋmã zĩigẽ, pa rẽ bɩ vakãas-rãmbã sasa.

SẼN YAA TƖLƐ NE NEB NINS SẼN TAR KAMBÃ:

Maan-y mak-n-wilg tɩ sõng kambã tɩ b bãng b sẽn tõe n maan to-to yell ning taoore, wall yell sẽn tõe n wa wa taoore. Wala makre, ra kẽes f toog dũniyã yɛlẽ wã wɛɛngẽ, b karen-bi-taasã sã n wa bugsd-ba, ro pag bɩ rao sẽn na yɩl n kẽ kãadmã wɛɛngẽ, wall kibs-rãmbã wɛɛngẽ.
Maan-y mak-n-wilgi, tɩ kambã reeg b roagdbã zĩiga, n maan vaeesg yell ning zug n wa sõs ne b roagdbã.

SAGLS A TAABA:

Naag-y taab n ges JW Teledifiziyõ, la y sõs a zugu.
Naag-y taab n karem sõsg bɩ n ges video sẽn be jw.org pʋgẽ, la y sõs a zugu.
Sõs-y bũmb sẽn be “Kom-bɩɩsã” wall “Kambã” zĩigẽ zugu. Y sã n kẽ jw.org n ges BIIBLÃ SẼN YETE, bee tẽngrã.
Naag-y taab n lebg n ges y not-rãmb y sẽn dɩk rasem a tãab tigis-kãseng sasa, wall daar a ye tigis-kãseng sasa.
Ges-y bũmb nins a Zeova sẽn naanã, wall y maan vaeesg rẽ wɛɛngẽ, la y sõs ne taab rẽ zug n bãng rẽ sẽn zãmsd tõnd bũmb ning a Zeova zugu.
Wakat ninga y tõe n boola ned t’a wa naag yãmb n maan zak pʋgẽ Biibl zãmsgã. Rẽ poore, y tõe n sok-a-la sogsgo.
Yãk-y bũmb nins ned fãa sẽn yãk n dat n wa maan n paas a Zeova tũudmã pʋgẽ, la y sõs ned fãa sẽn tõe n maan to-to n tõog n pids a bõn-daabã zugu.
Naag-y taab n maan bũmb mamsga, wala a Nowe koglgã, bɩ n maan kart sẽn wilgd tẽns sẽn be Biiblã pʋgẽ, pa rẽ bɩ y maan taablo sẽn wilgd yɛl sẽn zĩnd yʋʋm ninsi.

Ges-y VIDEO wã: Ket-y n paasd-y y zak pʋgẽ Biibl zãmsgã sõmblem. Rẽ poor bɩ f sok kɛlgdbã yaa:

Pag ne a sɩd kamb sã n pa le vɩ ne-b zakẽ wã, bõe la raoã tõe n maan tɩ zak pʋgẽ Biibl zãmsgã sasa yɩ sũ-noog wakat n kõ a pagã?

Y leoorã

8. Tigingã Biibl zãmsgo

(Min. 30) bt sak 13 s. 17-24

Baasg goama (Min. a 3) | Yɩɩll 123 la pʋʋsgo

KIRIS-NEBÃ VƖƖM LA B TƲƲMA: TIGISSÃ NA-KẼNDRE

Kiris-nebã vɩɩm la b tʋʋma tigissã na-kẽndre, 2024, Sa-sik rasem a 5-11

Moore

Kiris-nebã vɩɩm la b tʋʋma tigissã na-kẽndre, 2024, Sa-sik rasem a 5-11

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 Sẽoog kiuugu s.n. 10-16

A Zeova Kaset rãmbã

Sa-sik rasem a 5-11

YƖƖN-SÕAMYÃ 70–72

Yɩɩll 59 la pʋʋsgo | Sɩngr goama (Min. a 1)

D SẼN BÃNG BIIBLÃ KARENG PƲGẼ