Yãmb nong n tʋmda ne video-rãmbã la sogsgã sẽn be Vɩɩmd-y wakat sẽn kõn sa! sebrã pʋgẽ wã bɩ? La zĩis nins b sẽn gʋls tɩ “Neb kẽer sẽn yete,” “M sẽn tõe n maane,” la “Bũmb a taaba” yẽ? Y sã n wa zãmsd ned Biiblã, bõe me n be sebrã pʋgẽ n tõe n sõnge?—Mat. 28:19, 20.

Video-rãmbã la bũmb a taaba: Sã n yaa sebrã b sẽn ẽmpirmã la y tar n zãmsd ned Biiblã, wãn to la y tõe n paam video-rãmbã la bũmb a taabã, tɩ fãa be zĩ-yɛngã? Kẽ-y sebrã sẽn be JW Library wã pʋgẽ wã, n yãk babg a ye n kiliki. Sagsã gom-zutã tẽngrã, y tõe n paama bab-kãng video-rãmbã la bũmb a taabã fãa. (Ges-y pipi fotã.)

“Édition imprimée” wã: Sã n yaa sebrã sẽn be JW Library wã pʋgẽ wã la y tar n zãmsd ned Biiblã, y sã n tẽk “Edition imprimée” wã zĩigẽ, tõe n sõng-y-la zãmsgã sasa. Y sã n wa be sakã pʋgẽ, bɩ y ges yĩngrã n tẽk põe-rãmb a tãabã zĩigẽ, n kilik “Édition imprimée.” Sebrã sẽn na n puk to-to wã tõe n sõng-y lame tɩ y yã bũmb ning yell y sẽn gomdã ne sakã gom-zug sẽn tũud taab to-to wã. Y sã n dat n lebg n wa y sẽn da beẽ wã bɩ y le tẽk põe-rãmb a tãabã zĩigẽ n kilik “Édition numérique.”

“M segl n saame bɩ?”: Zĩ-gũb-kãensã sẽn be sebrã baasgẽ wã wilgda bũmb ning ned sẽn dat n sɩng koɛɛgã mooneg wall a reeg lisg sẽn segd n maane. (Ges-y fot a 2 soabã.)

Vẽnegrã: Zĩ-kãngã kõta vẽnegr n paas bũmb kẽer zugu. Sã n yaa sebrã b sẽn tõe n paam telefõn bɩ tablɛt pʋgẽ wã, vẽnegr fãa baasgẽ, liyẽ n be be, tɩ y tõe n kilik n lebg n kẽng sakã zĩig ning y sẽn da be wã. (Ges-y fot a 2 soabã.)