Wẽnnaam Gomdã sõngda tõnd tɩ d maood ne zu-loeesã yaoolem wakatã. (2 Tɩm. 3:1, 16, 17) La wakat ninga, d tõe n data sõngre, sẽn na yɩl n paam Biiblã sagls yɛl kẽer wɛɛngẽ. Wala makre, tõe tɩ y yaa roagda, n dat sagls y kambã wubr yĩnga. Tõe tɩ y yaa bi-bɩɩg sẽn paamd makr a tẽebã yĩnga. Tõe tɩ y namsda wʋsgo, y pagã wall y sɩdã sẽn maan kaalem yĩnga. Bũmb toor-toor sẽn be jw.org pʋgẽ wilgda Biiblã sagls sẽn tõe n sõng-y tɩ y tõog n mao ne zu-loe-kãensã la zu-loees a taaba.—Yel. 2:3-6.

Y sã n pak jw.org, bɩ y kilik b sẽn gʋlsgẽ tɩ BIIBLÃ SẼN YETE. (Ges-y pipi fotã.) Rẽ poor bɩ y yãk gom-zug ning y sẽn date. Y leb n tõe n kilka b sẽn gʋlsẽ tɩ D SẼN YIISI > SÕSS TOOR-TOORE, n yãk y sẽn dat a soaba. (Ges-y fot a 2 soabã.) Y tõe n paama bõn-kãens me JW Library^® wã pʋgẽ. * Y tõe n paama sõssã zĩ-kãensã a yiibã. Bũmb a to me y sẽn tõe n maan yaa kẽng jw.org zĩig b sẽn gʋls tɩ “Bao” wã, n gʋls bũmb ning y sẽn datã.

Gʋls-y sẽn pʋgdã “Bao” wã zĩigẽ, n yãk sõss nins y sẽn dat n karmã.

• Kambã wubri

• Sõngre, kom-bɩɩsã yĩnga

• Biiblã sẽn yet sẽn ki-bã wɛɛngẽ