Sõss la video nins sẽn pukd tõnd sɩt wɛɛbã pipi nengã zugã yaa sẽn na yɩl tɩ sũ-tɩrs rãmbã sã n yã bɩ b rat n kẽ tõnd sɩtã pʋgẽ n karem sõssã la b ges video-rãmbã. (Tʋʋ. 13:48) Wae n yaa sõss sẽn gomd kiba-paalã yelle, bɩ bũmb nebã sẽn tagsde, wall b sẽn gomd a yelle.

Wãn to la y tõe n tʋm ne bũmb nins sẽn pukd jw.org pipi nengã zugã y koɛɛgã mooneg sasa?

• Kẽed-y sɩtã pʋgẽ wakat fãa. Get-y zĩig ning b sẽn gʋls tɩ “Y sẽn tõe n paame,” n bãng y sẽn tõe n tall bũmb nins sẽn be be wã n sõng ned sẽn dat n bãng n paas to-to. (Y sã n dat n yã bũmb b sẽn ning sɩtã pʋgẽ tɩ nan pa kaoose, bɩ y kilik zĩig ning b sẽn gʋls tɩ “Y sã n dat n bãng n paase.”) Y sã n baood n bãngd bũmb nins b sẽn ningd sɩtã pʋgẽ wã, na n sõng-y lame tɩ y tõogd n toeemd y sẽn moond koɛɛgã to-to wã tɩ zemsd ne nebã.

• Tall-y sõss la video nins sẽn pukd tõnd sɩtã pipi nengã zugã, n sɩng sõsg ne nebã. Bũmb nins sẽn be be wã tõe n sõng-y lame tɩ y bãng y moonegã zĩigẽ nebã sẽn tagsd bũmb nins yelle.

• Wilgd-y nebã sɩtã pipi nengã. Gomd-y sõss la video kẽer yell ne nebã, la y wilgd-b b sẽn tõe n maan to-to n paam kibay a taab sɩtã pʋgẽ n paase.

• Toond-y nebã liyẽ wã. Neb kẽer pa rat n sõs ne tõnd vẽeneg-vẽeneg ye. La b nongame n kẽ tõnd sɩtã pʋgẽ, n ges bũmb nins sẽn be be wã. Woto yĩnga, ned sã n dat n bãng n paase, bɩ y tool-a sɩtã pipi nengã liyẽ, wall sõsg bɩ video sẽn be sɩtã pʋgẽ liyẽ.