Video-rãmb a naas la d tar n kãabd nebã Biiblã zãmsgo, koɛɛgã mooneg sasa. Video fãa bõn-daab yaa bõe?

• Bõe yĩng tɩ y tog n zãms Biiblã?—A zãnga video wã. B yiis-a lame n na n sõng nebã tɩ b rat n bãng n paas Biiblã zugu, baa ne b sẽn tẽed bũmb ninsi. Video wã pʋgẽ, b sagenda nebã tɩ b bao sogsg nins b sẽn sokd b mens vɩɩmã wɛɛngẽ wã leoor Biiblã pʋgẽ. La b kõo sokr a yembr leoore. Video wã pʋgẽ, b wilgda b sẽn tõe n gʋls n kos Biibl zãmsg to-to.

• Bõe yĩng tɩ y tog n zãms Biiblã? (B sẽn kʋrgã) video wã yaa wa a soab ning sẽn be yɩngrã, la a kaoosda minit a ye la segõnd a wãn bala. Koɛɛgã mooneg zĩis nins nebã sẽn pa tar sẽk wʋsgã, a tõe n naf-b-la wʋsgo.

• Wãn to la d zãmsd ned Biiblã? video wã. B yiis-a lame n na n sõng nebã tɩ b rat n bãng n paas tõnd sẽn zãmsd nebã Biiblã zaalmã to-to wã wɛɛngẽ, la a kõt sogsg kẽer nebã sẽn sokd b mens rẽ zug leoore. Wala makre, b sẽn tõe n gʋls n kos Biibl zãmsg to-to.

• Ne y waoongo, yãmb sẽn dat n sɩng Biiblã zãmsgã video wã. B yiis-a lame tɩ d tõe n wilg neb nins sẽn zãmsd Biiblã. Baa ne b sẽn gomd video wã yell Vɩɩmd-y wakat sẽn kõn sa! sebrã neng a 2 wã zĩigẽ, d tõe n wilga ned video wã, d sã n wa sõsd Vɩɩmd-y wakat sẽn kõn sa! borsiirã zugu. Video wã pʋgẽ, b gomda bũmb nins sẽn be sebrã pʋgẽ wã yelle, la sõsgã sẽn na n yɩ to-to ne karen-biigã.

Baa ne video fãa sẽn tar a bõn-daabã, d tõe n wilga nebã video ning fãa d sẽn date, pa rẽ bɩ n tool-b a liyẽ wã, sã n mik tɩ zemsame. D sagenda koe-moondbã fãa tɩ b modg n bao n bãng video-kãensã fãa neere, la b tall-b n tʋm sõma koɛɛgã mooneg sasa.