1:20; 2:1, 2

• “Ãds a yopoe wã”: Makda kãsem-dãmb nins sẽn paam vʋʋsem sõng zaeebã, la kãsem-dãmb a taabã me.

• “Be [a Zeezi] nug-rɩtgã”: Ãdsã bee a Zeezi nugẽ, t’a wilgd-b b sẽn segd n maane. Kãsem-soab sã n segd ne saglgo, a Zeezi na n gesame tɩ b bãng wakat ning b sẽn segd n sagl-a, la b sẽn segd n sagl-a to-to.

• “Sãnem fɩtl-dogends a yopoe wã”: Makda kiris-nebã tigimsã. Fɩtl-dogendgã sẽn da be sɛk-roogã pʋgẽ wã bugum ra kõta vẽenem sõma. Woto me, kiris-neb tigimsã vẽnegda tõnd sõma tɩ d bãngd sɩdã Wẽnnaam zugu. (Mat. 5:14) A Zeezi sẽn “kẽnd” fɩtl-dogendsã sʋkã wilgdame t’a geta tʋʋmd ning b sẽn tʋmd tigimsã fãa pʋsẽ wã.