D WILG TƖ D YAA KIRIS-NEB HAKƖƖKA
“Bɩ y nong n kõtẽ”
A Zeezi wilgame tɩ ned sã n yaa kõata, longda a taabã. (Luk 6:38) Yãmb sã n nong n kõtẽ, kɩtdame tɩ y tẽed-n-taasã me yɩ kõatba, la b maand b taabã neere.
Kõt d taabã ne yamleoogã naaga bũmb nins d sẽn maand a Zeova tũudmã pʋgẽ wã. A Zeova geta neb nins sẽn yaa kõatbã, la sẽn sõngd b tẽed-n-taas nins sẽn dat sõngrã. Sẽn paase, a pʋlmame t’a na n keo-b lame.—Yel. 19:17.
GES-Y VIDEO WÃ: D PƲƲSDA YÃMB BARKA, Y SẼN NONG N KÕTẼ WÃ YĨNGA. RẼ POOR BƖ Y LEOK SOGSGÃ:
-
Bõe la b maan ne kũun toor-toorã y sẽn kõta, sẽn na yɩl n sõng y tẽed-n-taasã?
-
Bõe yĩng tɩ d segd n ket n nong n kõtẽ, tɩ yaa bilf wall yaa wʋsgo?—Ges-y jw.org pʋgẽ me, sõsg ning gom-zug sẽn yaa: “Sẽn tar-b wʋsgã kũunã lekda sẽn pa tar-b tɩ sekã rẽnda.”
