Sasa ninga, d tõe n tagsdame tɩ d sẽn tʋmd wʋsg d taabã yĩnga, b pa nand rẽ, b yĩmda rẽ yell tao-tao me. La tõnd sẽn tʋmd n kõt a Zeova wã yẽ? Tõnd Wẽnnaamã nanda tõnd tʋʋmdã, a pa na n tol n yĩm tõnd sẽn modgd ne d sũur fãa n tũud-a wã me ye. Baa tõnd yĩnsã laafɩ sã n kɩtame tɩ d pa le tõe n maan bũmb nins d sẽn da maand pĩndã, a pa na n daag tõnd n bas ye.—Ebre. 6:10.

GES-Y VIDEO WÃ: A ZEOVA PA YĨMD YE. RẼ POOR BƖ Y LEOK SOGSGÃ:

• Tʋʋm-bʋs la saam-biig a Hibshman tʋm ne a sũur fãa, a Zeova tũudmã pʋgẽ?

• Wãn to la a Zeova wilgd t’a pa yĩm saam-biig a Hibshman yelle, a pagã sẽn maan kaalmã poore, la a sẽn wa n kʋʋl n pa le tõe n maan bũmb kẽerã?

• Bõe yĩng tɩ d tõe n yeel tɩ saam-biig a Hibshman sẽn kẽes a meng zãng-zãng a Zeova tʋʋmdã pʋgẽ wã, a vɩɩmã pida ne barka?—Yel. 10:22